Qırım. Aqiqat

ATR haber yayınlarına yañıdan başladı

Zaman haberleri eskiden olğanı kibi qırımtatarca, ukraince ve rusça olacaq

Qırımda Oraza bayramını qayd eteler

Oraza bayram – İslâm taqviminiñ eki büyük bayramından biridir. Bu sene bayram iyül 17-ge rastkeldi, bayramnı üç kün boyunca qayd eteler.

Ukraina prezidenti qırımtatarlarnıñ aytqanlarına emiyet bermege çağıra

Petro Poroşenko anayasa komissiyasını qırımtatar halqı liderleriniñ laflarına emiyet bermege çağırdı

Bütündünya qırımtatar kongressi Rusiye ve Qırım içün telükeli degil – Meclis

Onıñ aytqanına köre, kongresste Qırım ve qırımtatarlarnıñ vaziyeti muzakere etilecek

Ukraina prezidenti Türkiyede keçirilmesi planlaştırılğan Bütündünya qırımtatar kongressine davet etildi

Petro Poroşenko avgust 1-3 künleri Ankarada keçirilecek II Bütündünya qırımtatar kongressine resmiy şekilde davet etildi

«Prezidentnen razı olamayım», – Meclis reisi yañı Anayasada Qırımnıñ statusı aqqında

Prezident Donbass içün ayrı bir status olmaycağını, Qırım ve Aqyar içün ise muhtariyet statusı qalacağını ayttı

Mustafa Cemilev: Qırımtatar bayrağı Qırım işğaline qarşı küreş timsali oldı

98 yıl evelsi altın tamğa ile kök tüslü keten Qırımtatarlarnıñ birinci Qurltayında qırımtatarlarnıñ milliy bayrağı olaraq ilân etilgen edi

Qırımda ATR telekanalına ayaq çalalar

Qırımda özüni akimiyet olaraq adlağanlar faaliyetiniñ acınıqlı neticelerini gizlemege tırışalar

Kiyevde mahkeme «Aydar» batalyonında hızmet etken qırımlını apiste qaldırdı

ATR qırımtatar telekanalı efirge qayta

ATR haber muarririyeti telekanal saytında aşkâr etilecek haber süjetlerini ve mahsus levhalarnı çıqarmağa devam etе

«Qırım.Aqiqat» teleleyhası: Qırımğa kiriş izni ile

Qırım. Rezident olmağannıñ hatası

İşğal etilgen Qırımda Ukraina vatandaşlarınıñ taqdiri ve Ukraina içün rezident olmağan qırımlılar aqqında – «24» haber telekanalında «Qırım.Aqiqat» yayınında.

Meclis binasından qırımtatar bayrağı, levhaçıq ve nezaret kameralarını alıp taşladılar

Aqmescitte, cumaaqşamı künü, iyün 4-de, belgisiz şahıslar Qırımtatar Milliy Meclisi bulunğan binadan qırımtatar milliy bayraqnı, em de kiriş ögünde asılğan levhaçıq, nezaret kameralarını qoparıp aldılar.

Qırımtatarlarnıñ quvğunlıqtan avdeti oğrunda küreşken dissident Leonid Plüşç elâk oldı

Leonid Plüşç 1938 senesi Qırğızistanda doğdı, birazdan ailesi Ukrainağa köçti, mında o Kiyev universitetiniñ müendik-riyaziyat fakultetini bitirdi. Aktiv sürette uquq qoruyıcı faaliyetini alıp bara, Moskva ve ukrain dissidentleri arasında bağ qura edi, samizdata maqaleleri çıqa edi.

Aqmescit akimiyeti Qırımtatar milliy bayraq Kününi qayd etmege ruhset bermedi

Bu sene Bayraq Künü muqaddes Ramazan ayına kele, şunıñ içün kontsert programması da biraz farqlı olmaq kerek edi, ilâhilerniñ icra etilmesi planlaştırıla edi eken.

«Moskvalı büyük ağanıñ emri ile», – qırımtatarlarnıñ lideri Bişkek vaqiası aqqında

Ukraina Yuqarı Radasınıñ deputatı, qırımtatar halqınıñ milliy lideri Mustafa Cemilev Kırgızistan paytahtı Bişkek ava limanında olıp keçken vaqianı Rusiyeniñ avalesi ile añlattı

Kırgızistan Bişkek ava limanında Mustafa Cemilev ile olıp keçken vaqia içün afu soradı – Ukraina prezidenti Vekâletlisiniñ matbuat hızmeti

Gece Bişkek ava limanında politsiya 3 saat devamında Ukraina halq deputatı, qırımtatar halqınıñ milliy lideri Mustafa Cemilevni nezaret altında tuttı

«Qırımtatarlarnıñ qarşılıq areketi»: FSB Bütündünya qırımtatar kongressine keder etmek istey

Rusiye Federatsiyasınıñ uquq qoruyıcı organlarınıñ maqsadı – Bütündünya qırımtatar kongressine keder etmek

Qırımnıñ şahsiy milliyleştirilüvi

Aqmescitte evelki ukrain gimnaziyasınıñ talebeleri «soñki çañ» bayramına vışıvanka kiyip keldiler

Еsasen ukrain tilli başlanğıç ve orta sınıflarnıñ talebeleri