Cuma künü, iyül 17-de, Qırım ve Aqyarda tatil ilân etildi, musulmanlar Oraza bayramını qayd eteler.
Bu kün saba saat 6-da Aqmescitniñ zenaat birlikleri medeniyet sarayında bayram namazı qılındı, paytahtta Cuma cami alâ daa yoq. Bayram namazına Qırım müftisi acı Emirali Ablayev de qoşuldı.
Malüm olğanı kibi, Kiyevniñ İslâm medeniyet merkezinde iyül 17-de ukrain paytahtınıñ musulmanları Ramazan bayramını qayd etecekler.
Oraza bayram – Ramazan ayınıñ orazası bitkenini ifadelegen islâm taqviminiñ eki büyük bayramından biridir
2014 senesi Qırımnıñ Rusiye akimiyeti «Qırım Cumhuriyetinde bayram ve hatıra künleri, zenaat bayramları ve müim künler aqqında» qanun leyhasını qabul etken edi.
Vesiqada Pasha, Troitsa, Oraza bayramı, Qurban bayramı din bayramları olaraq qayd etile.
Oraza bayram – Ramazan ayınıñ orazası bitkenini ifadelegen islâm taqviminiñ eki büyük bayramından biridir. Bu sene bayram iyül 17-ge rastkeldi, bayramnı üç kün boyunca qayd eteler.
