Link açıqlığı

Saatnıñ esas haberi

Qırım.Aqiqat. Aqqımızda

Qırım.Aqiqat. Aqqımızda

Qırım.Aqiqat – Azatlıq Radiosı Ukraina hızmetiniñ Qırım leyhasıdır – 2014 senesi mart ayında, Rusiye Qırım yarımadasını işğal etken soñ ve qanunsız şekilde ilhaq etkende çalışıp başladı.

Qırım.Aqiqat – U.S. Agency for Global Media bergen grantlar vastasınen ABD Kongressinden para alğan Radio Free Europe / Radio Liberty (RFE/RL) ticariy olmağan mustaqil media şirketiniñ bir parçasıdır. RFE/RL, oquyıcılarına ve seyircilerine doğru ve tarafsız malümat bermek içün ABD qanunlarına riayet etmektedir. Amerika memurlarına, hususan USAGM reberlerine, RFE/RL malümatını berüv meselelerine kirişmege yasaq etile.

Missiyamız doğru, tsenzurağa oğramağan ve söz serbestligi telüke altında olğan ve yalan haberler tarqatılğan memleketlerde açıq munaqaşa keçirüv vastasınen demokratik qıymetlerni ileriletmekten ibarettir. Tış basqı ıntıluvları Azatlıq Radiosınıñ faaliyetine tesir etmey.

Al-azırda Azatlıq Radiosınıñ Qırım taqımı üç haber saytınında çalışa – rusça (Крым.Реалии, http://ru.krymr.com), ukraince (Крим.Реалії, http://ua.krymr.com) ve qırımtatarca (Qırım.Aqiqat, http://ktat.krymr.com), er afta yayınlanğan eki unikal mündericeli televizion programmasını azırlay – «24» umummilliy haber kanalında «Крим.Реалії» ve «Настоящее Время» halqara telekanalında «Крым.Реалии». 2015 senesi sentâbr ayında Qırım taqımı Qırım.Aqiqat Radiosını qurdı, onıñ programmaları Qırımnıñ büyük qısmında, Ukrainanıñ cenübi-şarqında ve Rusiyeniñ Şimaliy Kavkazınıñ dağ aldındaki rayonlarında yayınlana, 2017 senesiniñ sentâbr ayından itibaren 105,9 FM dalğasında gece-kündüz çalışqan Qırım.Aqiqat Radiosı kanalı bar.

Qırım.Aqiqat esas içtimaiy ağlarnıñ çoqusında da bar. Başta Twitter ve Telegramdaki abunecilerimiz haber ala. Instagram saifemizde em güzel, em aktual foto ve video ikâyelerini tapmañız mümkün. Şiddetli ve meraqlı munaqaşalar ise Qırım.Aqiqatnıñ Facebook saifesinde ola. Vkontakte ve Odnoklassniki saytlarında da saifemizge kiriñiz. Haberlerni er kün qolay almaq içün Telegramdaki eñ müim haber yiberüvine de abune olmañız mümkün.

XS
SM
MD
LG