Link açıqlığı

Kiyev Peçersk rayon mahkemesiniñ mahkemecisi Natalya Vasilyeva cuma künü «Aydar» batalyonınıñ askeri, qırımtatarı Enver Velilâyevniñ adliyecileri tarafından berilgen şefaatını lâğu etti. İmaye mahkemeden apiste bulunuv kibi cezanıñ olmaması ile qararnı çıqarmağa rica etken edi.

Kefil şefaatı ile mahkemege Qırımtatar Milliy Meclis reisi, Ukraina halq deputatı Refat Çubarov muracaat etti. Amma mahkemeci «iş ile yüklenilmesi büyük olğanından» sebep deputatnıñ şahsiy kefaletini şübeli olaraq qayd etti. Vasilyevanıñ delillerinden biri – Refat Çubarov deputat vekâletlerini eda etmek içün mahkeme toplaşuvını terk etti ve mahkeme qararını diñlemege qalmadı.

«Aydar» askeriniñ advokatı İgor Fedosük aytqanı kibi: «Menimce, prokuror kodeks qaidesini öz istegi ile aydınlattı. Mahkeme de bunı qararında belgiledi. Biz başta delilelrimiz ile olarnı qandırdıq, kimse qaçınmaz degen fikirde edik. Çünki kefilniñ maqsadı – taqiqatqa keder etmemek… Ne içündir mahkemeci halq deputatı er kün insannı taqiqtqa alıp barmaq içün pek meşğul olğanını tüşüne. Amma o bunı yapmamaq kerek. Oña kefil olğanı yeterlidir. Şeklengen insan mecburiyetlerini yerine ketirmegeni içün mesülietlidir».

Mahkemeci qararını seslendirgeninden soñ Velilâyevniñ tuvğanları mahkemeci Vasilyeva ve prokuror Andrey Zubkovnıñ tarafına qabaat atmaq ve adaletli mahkemeni talap etmege başladı. Aynı bunı, amma biraz qaba şekilde şeklengen Enver Velilâyev de etti. Soñkisi mahkeme salonında bulunmay, amma toplaşuvda video bağı vastası ile iştirak etken edi, haber ete Radio Svoboda mühbiri.

«Aydar» askerini uquq qoruyıcı organlarınıñ hadimlerine ücüm etilgeninde, aydutlıq, insanlarnıñ hırsılzavı, arbiy qısımnıñ öz istegi ile qaldıruvında şekleyler.

Bu işte Velilâyev ile «Aydar»nıñ diger askerleri de iştirak ete, şu cümleden Aleksandr Babiç, Nikolay Ştirhun, Viktor Gerçak ve Nikolay Lâşçuk.

Şimdi Enver Velilâyev Kiveniñ Lukyanovsk SİZOsında buluna.

XS
SM
MD
LG