Ukraina prezidentiniñ Qırım MC ve Aqyar şeerindeki temsilciliginde gençler merkezleriniñ oca ve muallimlerini mayısnıñ 18-nde Qırımtatar halqı genotsidi qurbanlarınıñ añma kününe bağışlanğan dersler keçirmege çağırdılar.
«Ortaq tarihımıznı bilmek ve sovet akimiyetiniñ cinayetlerni unutmamaq kerekmiz. Tamam bunıñ içün, eger siz gençler merkezleriniñ ocası ya da talebesi olsañız, bu kün Qırımtatar halqı genotsidi qurbanlarınıñ añma kününe bağışlanğan dersler keçirmege çağıramız», – dep yazıla temsilcilikniñ Facebook saifesinde
Temsilcilikte, 2015 senesi «18.05. Hatıra aqqı» yarışı keçirilgenini hatırlattılar ve ocalarğa ders içün «Almenda» saytına yerleştirilgen işlemelerden birini alıp qullanmağa teklif ettiler.
Hatırlatamız, mayısnıñ 18-nde Kyivde Qırım evinde Qırımtatar halqı genotstdiniñ 77-nci yıldönümine bağışlanğan instalâtsiya açılacaq.
Джамала и «ДахаБраха»: как в Херсоне прошел вечер-реквием памяти жертв геноцида крымских татар (фотогалерея)
Hersonda mayısnıñ 15-nde 1944 senesi mayıs 18 qırımtatar sürgünliginiñ qurbanları hatırasına «Hatırlaymız» añma aqşamı keçirile. Tedbirde qırımtatar asıllı ukrainalı yırcı Jamala, «Dahabraha» ukrain etno-gruppası, qırımtatar horeografik taqımlarıiştirak ete.
Qırımtatar Milliy Meclisi 2021 senesi mayısnıñ 18-nde Ukrainanıñ vilâyet merkezleri ve şeerleriniñ meydanlarında resmiy eglence tedbirlerini keçirmemege çağırdı.
«Qırımtatar Maaliy Merkezi» qırımtatar halqı soyqırımınıñ 77-nci yıldönümine bağışlanğan «Soyqırımğa yoq!» adlı bir malümat kampaniyasını başlattı ve pervasız olmağan er kesni içtimaiy ağlardaki saifelerinde mahsus azırlanğan plakatlarnı paylaşıp, oña qoşulmağa çağırdı.
Qırımtatar halqı genotsidiniñ qurbanlarını añma künü
Mayısnıñ 18-nde Ukrainada ve dünyada 1944 senesinde qırımtatar halqınıñ Qırımdan sürgün etilmesi qurbanlarını añalar. Bu künde qırımtatarlar ile tolu birinci eşelon Orta Asiyağa yollanılğan edi. Umumen 180 biñden ziyade kişi sürgün etildi.
Qırımnıñ türlü şeerlerinde qırımtatar halqınıñ Qırımdan sürgün etilmesi qurbanlarınıñ hatırasına matem tedbirleri keçe.
Ukraina Yuqarı Radasınıñ qararına binaen, mayısnıñ 18-i Qırımtatar halqınıñ genotsidi qurbanlarınıñ hatıra künü dep ilân etildi.
