Link açıqlığı

Saatnıñ esas haberi

Mayısnıñ 18-zi Cuma künü, sovetler rejimi tarafından öz tarihiy vatanı Qırımdan sürgün etilgen qırımtatar halqı sürgünine 74 yıl tola. Bu künü Ukraina ve dünya sürgün etilgen qırımtatar halqınıñ sürgün ve genotsid qurbanlarını aña.

Hususan 1944 senesi mayısnıñ 18-nde yarımadadan Merkeziy Asiyağa qırımtatarlarnıñ birinci eşelonı yollanğan. Epsi olıp 200 biñden ziyade insan sürgün etilgen.

Ukraina 1944 senesi sürülgen qırımtatarlarnıñ sürgünini genotsid dep tanıdı ve mayısnıñ 18-zi qırımtatar halqı genotsidi qurbanlarını añma Künü olaraq tayin etildi.

Cuma künü Ukrainanıñ Kyiv, Herson, Lviv ve diger şeerlerinde bu künge bağışlanğan tedbirler keçirilmesi planaştırıla. Matem tedbirleri aynı zamanda dünyanıñ başqa devletlerinde, hususan, Türkiye, Almaniya, Çehiya, Poloniya, ABD, Canada ve sairesinde ötkerilecek.

Kyiv patriarhatınıñ Ukrain provoslav kilisine bağlı Kyivniñ bütün ibadethane ve kiliselerinde saat 12:00de çañlar qaqılacaq.

Qırım.Aqiqat saat 15:45 Sofiyskaya meydanında ötkerilmesi planlaştırılğan resmiy şahıslar ve devlet yolbaşçıları, rekviyem-kontsert ve bütünukraina matem mitingi ötkerilecek rekviyem-aqşamını yayınlap başlaycaq. Miting yekünlengen soñ, «Haytarma» filmi numayış etilecek.

Rusiye ilhaq etken Qırımda, resmiy soylârından ğayrı diger matem tedbirleri keçirmek yasaq. Keçirmege teşebbüs etkenler cezalandırıla.

Daa evel Ukraina informatsion siyaseti Nazirligi 18 mayıs qırımtatar halqınıñ sürgün qurbanlarını añma Künü munasebetinen kampaniya ilan etken edi.

XS
SM
MD
LG