Mahsus Qırım.Aqiqat içün
Prezident Vladimir Putin tarafından taqdim etilgen Rusiye Anayasasına kirsetilgen deñismelerni nazardan keçirgen iş gruppası, devlet başı vazifesine namzet olmaq içün zaruriy olğan "iqamet tsenzi", evelleri "Rusiye Federatsiyasına qabul etilgen ya da Rusiye Federatsiyasına bir qısmı qabul etilgen" devletlerniñ vatandaşı olğan rusiyelilerge tarqatmamasını teklif etti.
Başqace deseñ - Qırım sakinlerine. Rusiye tarafından ilhaq etilgen başqa devletlerniñ iç bir qısımları onıñ Anayasasında şimdilik yoq.
Yarımadanıñ ilhaqından soñra Rusiye qanun çıqarıcıları neni başlamasa - er vaqıt ilhaqnıñ nasıl yapılğanını közde tutmalılar
Bu teklif, mence, Qırım quyruğı Kreml köpegini nasıl sallağanını daa bir kere numayış ete. Yarımadanıñ ilhaqından soñra Rusiye qanun çıqarıcıları neni başlamasa - er vaqıt ilhaqnıñ nasıl yapılğanını közde tutmalılar. Qanunğa köre, anda Vladimir Putin teklif etken 25 yıllıq iqamet tsenzi, "Qırım mekân qaydı" namzetlerniñ saylavlarda iştirak etmesini olğan istisna ete edi. Amma bu alda, Qırım daa yaqında - halqara uquq ceetinden ve aqılcasına baqsañ ise alâ daa - Ukrainanıñ qısmı olğanını er sefer hatırlamağa kerek olur edi. Körüne ki, o zaman er Rusiye prezidenti saylavlarında "vatanperver küçler" nevbetteki "Qırım baari veteranını" prezident namzeti olaraq kösterecek edi - o yeñsin ya da iç olmadan iştirak etsin dep degil, amma olar, Kremldekilerge köre, daa büyük vatanperver olğanını numayış etmek içün. Burhan şaraitinde, iqtisadiy ya da bir tranzit burhanı vaqtında ise, böyle "vatanseverlik numayışı" Rusiye akimiyeti içün telükeli ola bilir. Ve, zanımca, emin olmaq içün hırsızlanğan yarımadanıñ sakinleriniñ aqlarını Putinniñ başqa saylavcılarınen teñ eteler, amma bunıñ fiyatı - deblet Anayasasına kirsetilgen deñişmelerdir! Ne!
Yarımadanıñ sakinleriniñ aqlarını Putinniñ başqa saylavcılarınen teñ eteler
Amma basqa taraftan, bu "büyüme içün deñişme"dir. Artıq Kreml yañı devlet ve bölgelerni ilhaq ete bile, olarnıñ sakinleriniñ episiniñ ise, belki de, "iqamet tsenzi" olmazdan, Rusiye prezidenti vazifesine nazmet köstermek aqqı olacaq.
Episiniñ. Lukasenkonıñ bile.
Vitaliy Portnikov, Kyivli jurnalist, Qırım.Aqiqat közeticisi
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
