Mahsus Qırım.Aqiqat içün
Merkeziy Avropa ve Baltıq ülkeleriniñ parlamentleri bir-biri artından, Kremlniñ tarihnı başqadan yazmaq ıntıluvlarını ve Ekinci Cian cenkiniñ başlanmasında tecavuzcılarnı degil, facia qurbanlarını qabaatlamasını tenqit ete.
Amma tarihnıñ böyle "deñiştirmesi" - Rusiye reberligi içün tanış bir praktikadır. Rusiye Qırımnıñ ilhaqını tamam tarihnıñ başqadan yazmasından başladı, em de 2014 yılda degil, ondan bayağı eveldir.
Başta olar yarımadaki çoq asırlıq tsivilizatsiya tarihını - qadimiy koloniyalarda Qırım hanlığına qadar - Rusiye flotu, Rusiye daçacıları ve Sovet kurortınıñ tarıhı ile almaştırdılar. Böylece Qırım artıq Qırım olmadı, ve sadece tarihiy ve siyasiy yalanınıñ dünyasında yaşağan rusiyelilerniñ degil, çoqusı ukrainlerniñ ve ğarbiy memleketler sakinleriniñ idraq ve añlamasında göñlüni coydı. Qırım ilhaqınen razı olmağanlarda bile sorasañız, halqara uquq ceetinden Qırım, ebet, Ukrainanıñ parçasıdır, amma tarih ceetinden o - "rus dünyası"nıñ ve Rusiye tsivilizatsiyasınıñ qısmıdır, dep aytarlar. Amma bu şekilde tüşünmek - Angolanı Portugaliyanıñ qısmı, Marokkonı - Frenkistan, Argentinanı ise İspaniya parçası kibi saymaqqa bir kele. Amma bir şey degil, postkolonial devrimizde Rusiye yalan ile er şeyniñ çaresini taptı.
Amma tarihnıñ böyle "deñiştirmesi" - Rusiye reberligi içün tanış bir praktikadır. Rusiye Qırımnıñ ilhaqını tamam tarihnıñ başqadan yazmasından başladı, em de 2014 yılda degil, ondan bayağı eveldir
Qırım - Rusiyeniñ muvafaqiyetli idmanıdır demek mümkün. Ve qomşu memleketlerniñ tarihınıñ uydurmasından Ekinci Cian cenki tarihınıñ başqadan yazmasına keçmek mümkün olğanı açıq-aydındır. Bu sahtelik o qadar miylerine siñdi ki, körüne, sanki yalancılarnıñ özlerine aqiqat iç qorqunçlı körünmey. Men er vaqıt bir sade misalni - meşur amerilkan aktörı Bert Lancaster alıp barğan "Bellisiz cenk" leyhasını ketirem. Bu filmni daa Sovet vaqtında amerikan ve sovet kinocıları çıqardı.
Onıñ maqsadı, elbette ki, Ekinci Cian cenkinde SSSRni köstermek edi, amma bunıñnen beraber o, Qızıl orduğa yardım etken ve gitlercilerniñ urulmasına qoşulğan ortaq memleketlerniñ isseler aqqında tasvir ete edi. Buña seriyalar bağışlanğan edi! Ve televizion serialnı sovet vaqtında eñ güzel efir vaqtında yayınlay ediler. Amma Girlerge qarşı birleşme memleketleriniñ ordularınıñ cenkke issesi aqında fikir sovet adamlarınıñ aqılında qalmadı - Stalinniñ cenk aqqında mifi o qadar küçlü menimselgen edi! Şimdi ise Putin onı muvafaqiyet ile canlandıra.
Rusiyede kibi propaganda ananesi olğan ülke, aqiqatnı eminliknen deñiştire bile ve bundan da ziyade - eminlik ile kerçekten qorqmay bile, çünki kerçekke kimse inanmaz!
Rusiyede kibi propaganda ananesi olğan ülke, aqiqatnı eminliknen deñiştire bile ve bundan da ziyade - eminlik ile kerçekten qorqmay bile, çünki kerçekke kimse inanmaz! Onıñiçün ukrainler de, lehler de, Baltıq ülkelerniñ sakinleri de öz sıñırlarına kelgende, Kreml yalanlarını kestirmeli, oña cevap bermeli ve raat bıraqmamalı.
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Vitaliy Portnikov, Kyivli jurnalist, Qırım.Aqiqat közeticisi
