İyünniñ 30-ından soñ Keriç köpründen yük poyezdleriniñ yürmesini başlatacaq olalar. Bundan evel ondan tek yolcu poyezdleri yüre edi. Bunı "Qırım köprü" haber merkezi bildire.
TASS agentliginiñ malümatına köre, eki poyezd biri-birisiniñ qarşısına çıqacaq, birisinde Qırım müessiseleriniñ mahsulatı olacaq, ekincisinde ise Krasnodar ülkesi tarafından yaqıt, kübre ve relsler alıp ketilecek. Er sostavnıñ kütlesi 7,1 biñ tonna olacaq.
Daa evel koronavirus pandemiyasın sebebinden eki Sankt-Peterburg - Aqyar poyezdiniñ yürüşi aprelniñ soñuna qadar lâğu etilgen edi.
Rusiyeniñ "Yujnaya" taşıyıcısı şirketi, aprel ayında Qırımda "Aqyar - Aqmescit - Kezlev" ekspress poyezdiniñ yürip başlaycağını ilân etken edi.
Martnıñ 7-sinde ilhaq etilgen Qırımnıñ Keriç şeerinden qomşu Rusiyeniñ Krasnodar ülkesiniñ Anapa şeerine elektrik poyezdni yiberdiler.
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
Keriç köpründen keçken ilk 100 rusiye poyezdi 85 biñ yolcunı taşıdı.
QMC prokuraturası Keriç köpründen ilhaq etilgen Qırımğa Ukraina devlet sıñrından adamlarnıñ qanunusız keçirilmesi sebebinden cinaiy dava açtı.
