Eki Sankt-Peterburg - Aqyar poyezdiniñ yürüşi aprelniñ soñuna qadar lâğu etildi. Bu "Qırım demir yolu" saytında bildirile.
Böylece, aprelniñ 26 ve 28-inde Aqyardan poyezd çıqmaycaq.
Bildirile ki, poyezdler, koronavirus sebebinden yolcularnıñ sayısı azlaşqanı içün lâğu etildi.
"Grand Servis Ekspress" şirketiniñ poyezdlerine alınğan biletlerniñ parası aluv yerinde qayrarılacaq", - denile beyanatta.
Rusiyeniñ "Yujnaya" taşıyıcısı şirketi, aprel ayında Qırımda "Aqyar - Aqmescit - Kezlev" ekspress poyezdiniñ yürip başlaycağını ilân etken edi.
Martnıñ 7-sinde ilhaq etilgen Qırımnıñ Keriç şeerinden qomşu Rusiyeniñ Krasnodar ülkesiniñ Anapa şeerine elektrik poyezdni yiberdiler.
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
Keriç köpründen keçken ilk 100 rusiye poyezdi 85 biñ yolcunı taşıdı.
QMC prokuraturası Keriç köpründen ilhaq etilgen Qırımğa Ukraina devlet sıñrından adamlarnıñ qanunusız keçirilmesi sebebinden cinaiy dava açtı.
