Martnıñ 7-sinde ilhaq etilgen Qırımnıñ Keriç şeerinden qomşu Rusiyeniñ Krasnodar ülkesiniñ Anapa şeerine elektrik poyezdni yiberdiler. Bunı Rusiye ve Qırım matbuatı bildire.
Taşımalarnen "Grand Servis Ekspress" şirketiniñ "qızı" "Cenübiy yolcu şirketi" oğraşa, haber ete "İnterfaks" agentligi.
Beyanatqa köre, soñki turaqqa qadar yol eki saattır. Keriçten Anapağa yol ücreti - 439 ruble. Biletler demiryol kassalarında ve online satıla. Taşıyıcı şirketniñ cedvelinde Qırımdan Kubange ketken eki reys bar ve andan Qırımğa da eki reys.
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
Keriç köpründen keçken ilk 100 rusiye poyezdi 85 biñ yolcunı taşıdı.
QMC prokuraturası Keriç köpründen ilhaq etilgen Qırımğa Ukraina devlet sıñrından adamlarnıñ qanunusız keçirilmesi sebebinden cinaiy dava açtı.
