Link açıqlığı

Saatnıñ esas haberi

Putin Keriç köpründen poyezdlerniñ yürmesini başladı


Vladimir Putin
Vladimir Putin

Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.

TASS Rusiye agentligi haber etkeni kibi, o rels avtobusınen demir yolundan Keriçten Tamanğa ketti.

"Böylece, devlet başı bu demiryol hattı boyunca naqliyat areketini başladı. Seferde Putinge köpür qurucıları qoşuldı, yolda olarnıñ qısqa subeti olacaq", - yaza agentlik.

Rusiye naqliyat nazirligi, Keriç köpründe 2019 senesi dekabrniñ 18-nden 25-ne qadar tehnologik işlerniñ keçirilüvi sebebinden naqliyat areketi sıñırlanacaq, dep tenbilegen edi.

Noyabrniñ 8-nde Keriç köpründen keçecek Qırım yolcu tren biletleriniñ satışı başlandı. «Grand Servis Ekspress» taşıma operatorınıñ malümatına köre, «Tavriyanıñ» ilk treni dekabrniñ 23-nde Sankt-Peterburgnıñ Moskva vokzalından çıqacaq.

Keriç boğazındaki köpürniñ maşina qısmı 2018 senesi mayıs ayında yengil maşinalar içün açılğan edi, daa soñra yük maşinalarınıñ areketi başlatıldı. Köpürniñ demiryol qısmı daa azır degil.

Ukrainanıñ beşinci prezidenti Petro Poroşenko Rusiye işğal etken Qırımda Keriç köprüniñ qanunsız qurucılığı Kremlniñ halqara uquqqa emiyet bermegeniniñ daa bir delili ola, dep bildirgen edi.

Поезда в Крым. Выдержит ли мост? | Крым.Реалии ТВ (видео)
Bekleñiz, lütfen

No media source currently available

0:00 0:24:59 0:00

Avropa Birligi ve ABD Rusiye ve işğal altındaki Qırım arasındaki Keriç köprüniñ qısmen açılışını takbih etti. Ukraina tarafı 2014 senesi Qırım ilhaq etilgen soñ Rusiye ile köpür qurucılığı añlaşmasından çıqtı.

2014 senesi iyül ayında Ukraina ükümeti ilhaq etilgen Qırımdaki bütün limanlarnıñ işini resmiy şekilde toqtatqan edi.

XS
SM
MD
LG