Mahsus Qırım.Aqiqat içün
Er şey deñişe. Ukraina daima bunı kösterip tura. Qaramanlar anti-qaraman ola, mabutlar quvula, eki ucnıñ arası da pek qısqa ola.
Rusiye - dost, A,erika ise Kyivni cenk etmege mecburlay. Avropa Birligi ve NATO iç bir vaqıt Ukrainanı qabul etmez. Rusiyelilerden kredit almaq kerek. Washington Kyivge basıp başlasa, Rusiye tanklerini Poloniya sıñrına yibermek kerek. 2914 yılğa köre, 2019-ıncı yılda oligarh İgor Kolomoyskiy bam-başqa şeyler ayta.
Cenkniñ başında o, Rusiye oligarhlarınıñ ukrain mal-mülküni milliyleştirmege teklif ete edi. Boyeviklerniñ tutulması içün mukâfat berecek edi. Vladimir Putinge "alçaq boylu şizofrenik" dey edi. Beş yıldan soñ er şey deñişti.
İgor Kolomoyskiy - öz-özü içün bir qurumdır. Ve vaqıtnıñ er añında özüne faydalı olğanını ayta
Amma, şaşırtacaq bir şey yoq. İgor Kolomoyskiy - öz-özü içün bir qurumdır. Ve vaqıtnıñ er añında özüne faydalı olğanını ayta. Başqaca areket etse, hucur olacaq edi. Ne ise, o, öz maqsat-meselelerini çeze ve Ukrainanıñ kelecegi olarğa uyğun kelmese - Ukrainanıñ kelecegi içün daa yaramay.
Devlet institutlarında, sözde, başqaca olmalı. Amma qurumlarnıñ krizisi - bütün dünyanıñ problemasıdır. Tanış qurumlar ayrı şahıslarnıñ basqı ve ifadesiniñ tesirine oğray. Ve Ukraina da bundan istisna dep, kimse aytamaz.
Tarihımızda şahıslarnıñ rolü daima büyük ola. Sıq-sıq şekil mündericeni yeñe. Körünmek qabiliyeti ise çoqtan berli olmaq qabiliyetiniñ ögüni aldı. Belki de, İgor Kolomoyskiy bunı yahşı bile ve The New York Times matnuatına bergen intervyüsinde yalıñız yaqın kelecekni tasvirley.
Bayraqnı - sadece yip toplamı, gimnni - sadece notalar toplamı kibi körgen adamlar er vaqıt bar. Yutquzmağa barışıq demek mümkün, silâdan vazgeçüvni iqtisadiyatnen añlatmaq, qorqaqlıqnı ise - aqıllı olmaqnen
Ne ise, yañı Ukraina sadece beş yaşında. Evelki, eski Ukraina ise onlarce, yüzlerce yıl yaşadı. Veteranlarımız bir qaç biñdir, lâqayt olğanlar ise - millionlarnen. Avropa acı reformalarnı talap ete, Rusiye ise - yalıñız qarşı tirenmemekni. Bayraqnı - sadece yip toplamı, gimnni - sadece notalar toplamı kibi körgen adamlar er vaqıt bar. Yutquzmağa barışıq demek mümkün, silâdan vazgeçüvni iqtisadiyatnen añlatmaq, qorqaqlıqnı ise - aqıllı olmaqnen.
Bundan da ğayrı, Rusiye, Donbass mensübiyetinde şübelenmey. O, tek onı Ukrainağa qaytarmağa tırışa. Ve Kyiv razılıq berse - yarın qaytarır! Soñ ise Donbass, Moskova istegenini Ukrainanen yapar.
Terminologiya, diplomatiyağa çoq imkâniyet bere. Cenkke kerginleşüv demek mümkün. Vatanperverlerge - radikal. Mudafaağa - tecavuz. Şimdiki Ukrainanı sıfırlap, evelde olğan alına qaytarmaq mümkün. 2014 senesine qadar olğanını.
Amma bir "amma" bar. Qırım.
Bölgeniñ taqdiri, sanki bir şey olmadı dep areket etmekke mania ola. Tarihnı2013 senesine qaytarıp olamazsıñ - çünki, beş yıl evel sıñırlarını resmiy olaraq deñiştirip ve ukrain yarımadanı öz terkibine qoşqan, Rusiyeniñ özü buña azır degil.
Zemaneviy tarihte berçler peyda olsa - Qırım tamam olardandır
Qırım birden eki devletniñ Anayasasında yazılğan. Ve ne Kyiv, ne Moskova onı silmege azır degil. Bu ise, elbette ki, zıddiyetke sebep ola. Onı körmemezlikke urmaq mümkün, amma sıfırlamaq mümkün degil. Rusiye ve Ukraina siyasetçileri, yarımada aitligi aqqında türlü cevap bermege mecbur. Ve zemaneviy tarihte berçler peyda olsa - Qırım tamam olardandır.
Amma, iç bir vaqıt "iç bir vaqıt" deme. Soñki bes yıl eki devlet içün izçenlik imtianı da oldı. Şimdilik beklemek ve taqatsızlıqnı köstergenlerni basmaq azır olğan Rusiye ögdedir. Kyiv ise qurum hatırası aqqında - yani, birinci şahıslarnıñ deñişmesine baqmadan, devlet yanaşmasınıñ saqlanuvı aqqında - aqında bildi.
İgor Kolomoyskiy, kimniñ nede faydası olğanını pek yahşı bile. Kreml de. Ukraina ise öz imtianını tapşırmağa daa endi azırlana. Ve devlet anayasası - oña baqsa;lar eger - yardımcı olmaq mümkün.
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Pavel Kazarin, qırımlı jurnalist, Qırım.Aqiqat közeticisi
