Link açıqlığı

Saatnıñ esas haberi

Mahsus Qırım.Aqiqat içün

Kyivge köçken soñ, közge taşlanğan ilk şey – onıñ gomogenligi oldı. Qırımda keçken ayat çeşit şekilde olğan közlerni körmege alıştırğan edi. Çeşit elmaçıq kemigi ve fenotipler bar edi. Netice itibarınen çeşit isimler de bar edi. Mektepte sen rale başında Dilâvernen otura ediñ. Universitette Emine ve Servernen oqudıñ. Osman ve Mustafanen beraber çalıştıñ.

Kyiv ise, bir çeşitliginen farq ete edi. Elbette, Troyeşina bazarına barıp vyetnamlılarnı tapmaq mumkün edi, tabi. Ya da Tatarkanı ziyaret etip – camini körmek mumkün edi. Faqat bu faqlılıqnı mında qıdırmaq kerek edi – o soqaqlarnıñ er künlük duyğuları arasında yoq edi.

Bu gomogenlikniñ epsi bizim yoqsullığımız sebebinden oldı. İş muacirleriniñ Ukrainağa kelmemesi, qomşu paytahtlar daa ziyade imkân bergeni sebebinden edi. Neticede, ukrain realligi tiyilmegen bir çeşit olıp qaldı.

Ukraina zenginleşip başlağanınen – er şey deñişir.

Bizim tek çeşitliligimiz – yoqsullığımıznıñ neticesidir. Ne qadar çoq zenginleşsek – soqaqlarımızda o qadar çoq tiller yañğırap başlar

İşçilerge ihtiyac artqan sayın – iş migratsiyası başlar. Aylıqlar artıp başlağan sayın – mında insanlar kelip başlar. Olar başqa anane, başqa din, başqa alışqanlıq, başqa tışqı körüniş saipleri olacaq.

Olar yanımızğa kelip yerleşecekler. Turmuşında tutumlı olacaqlar. Toplay-toplay evlerine para yollaycaqlar. Olar biz alışqan ictimaiy-etnik landşaft arasında ayırılıp turacaqlar. Tek çeşitlilikni coyacaqlar.

Olar başqa tañrılarğa ibadet etecek, öz bayramlarını qayd etecek, farqlı ananelerni kütecek, bizlerge oşamaycaqlar, bizler de olarğa oşamaycaqmız.

Olar arasından da cinayetçiler, içkiciler, narkomanlar çıqacaq. Haberler şeritiniñ er bir muarriri politsiya haberleriniñ iştirakçilerine millet adı taqmağa ıntılacaq.

Devlet zenginleşken sayın – ukrain şeerlerinde böyle insanlar ketken sayın çoqlaşacaq. Bu – iş migratsiyasınıñ adiy bir mantığı. Bu migratsiya çerçivesinde ukrainalılarnıñ özleri de Poloniya ve Çehiyadaki iş yerlerini zapt etmege keteler. Lâkin olarnıñ yerine Ukrainağa daa da faqır olğan devletlerden qomşular kelip başlaycaq.

Ultraoñcular bunı añlaylarmı, aceba?

Bizim tek çeşitliligimiz – yoqsullığımıznıñ neticesi olğanını añlaylarmı, aceba? İqtisadiy yükseliş ister-istemez iş migratsiyasına alıp baracağını bilelermi? Ne qadar çoq zenginleşsek – soqaqlarımızda o qadar çoq tiller yañğırap başlar.

Ukrainadaki er angi bir iqtisadiy yükseliş iş diasporaları peyda olmasına sebep olacaq

Donetsk ve Ujgorod arasında uzanğan slavyan deñizinen bağlı hayal – yoqsullıqnen bağlı hayal. Migratsiya vektorını tek teraflı yapqan hayaldır. Ukrainadaki er angi bir iqtisadiy yükseliş iş diasporasınıñ peyda olmasına sebep olacaqtır.

Tek çeşitlilik olğanını isteseñiz – faqır olmağa azırlanıñız. Bir çeşit olmaq isteseñiz – abadanlıq istemeñiz. Eger gomogenlik aqqında hayal etseñiz – o ot kibi yaşamaqnen bir taqım olaraq kelgenini unutmañız.

Qolay yollarnen çezmege ıntılmañız. Asla netice alamazsıñız.

«Fikir» rubrikasında ifade etilgen fikirler muelliflerniñ öz fikirlerini aks etip, er vaqıt muarririyetniñ fikrini aks etmey bileler

XS
SM
MD
LG