Link açıqlığı

Saatnıñ esas haberi

Tevqif etilgen sabıq Qırım sağlıq saqlav naziri: «Men qanunğa qarşı bir şey yapmadım»


Qırımnıñ sabıq Rusiyege tabi sağlıq saqlav naziri Pötr Mihalçevskiy
Qırımnıñ sabıq Rusiyege tabi sağlıq saqlav naziri Pötr Mihalçevskiy

Qırımnıñ sabıq Rusiyege tabi sağlıq saqlav naziri Pötr Mihalçevskiy mahkemeniñ oturışuvından soñ, qanunğa qarşı bir şey yapmağanını ve 2014 senesinde «referendum»da iştirak etmegenini söyledi. Bunı Qırım.Aqiqatnıñ muhbiri bildire.

Pötr Mihalçevskiy: «Men, ifade uyğun olsa, tarihnıñ katogı astına tüştim. Qanunğa qarşı bir şey yapmadım. Qırımnıñ Rusiyege qoşulması boyunca «referendum»nıñ teşkil etilmesine alâqam yoq, «referendum»da iştirak etmedim», – dedi.

Onıñ advokatları da, mahkemeniñ qararı ile razı olmağanlarını ve appelâtsiya bereceklerini bildirdiler.

Herson şeer mahkemesi yanvarniñ 8-nde Qırımnıñ sabıq Rusiyege tabi sağlıq saqlav naziri Pötr Mihalçevskiyni tevqif etti. Böylelikle o, fevralniñ 5-ne qadar apiste bulunacaq.

Mihalçevskiyniñ işi boyunca mahkemede qabaatlav tarafı onıñ 60 künge tevqif etilmek kerekliginde israr ete edi.

Mihalçevskiy yanvarniñ 5-nde Ukraina Cinaiy kodeksiniñ 111-nci maddesi (devletke hainlik) boyunca cinayet işlegeninde töhmetni imzaladı. Maddeniñ sanktsiyası, 15 yılğace muddetke azatlıqtan marum etüv şeklinde cezalavnı közde tuta.

Yanvarniñ başında Ukraina Telükesizlik hizmetiniñ hadimleri Qırımnıñ sabıq Rusiyege tabi sağlıq saqlav naziri Pötr Mihalçevskiyniñ Kyivde bulunması faktını tayin ettiler.

2014 senesi iyünniñ 10-nda Qırımnıñ Rusiyege tabi sağlıq saqlav naziri Pötr Mihalçevskiy öz istegi ile istifa etüv aqqında ariza yazdı. Qırımnıñ Rusiyege tabi yolbaşçısı Sergey Aksönov, Mihalçevskiyni «madde boyunca» işten boşamamaq içün istifa etmege mecbur etkenini söyledi.

XS
SM
MD
LG