Qırımnıñ sabıq rusiyeli sağlıq naziri Pötr Mihalçevskiy oñı cinayet etüvinde (vatan hainligi) şeklegen vesiqanı imzaladı. Bu aqta Qırım.Aqiqatqa Qırım MC prokuraturasınıñ matbuat hızmeti haber etti.
Mihalçevskiy yanvarniñ 5-nde Kyivde sorğulavdan keçirildi ve oña cinayet etüvinde (vatan hainligi) şeklegen vesiqa taqdim etildi, dep bilidre Qırım MC prokuraturası.
Prokuratura temsilcisi qayd etkenine köre, Mihalçevskiyniñ Ukraina Cinayet Kodeksiniñ 11-nci maddesine binaen («vatan hainligi») cinaiy cevapkârlıqqa çekilmesi içün er şey yapılmaqta. Maddeniñ şartlarına köre, şahıs 15 yılğace azatlıqtan marum etilebile.
Şimdilik Mihalçevskiyniñ özü ukrain telükesizlik hızmeti ve prokuraturanıñ beyanatlarını br izaat bermedi.
2014 senesi iyünniñ 10-nda Qırımnıñ rusiyeli sağlıq naziri Pötr Mihalçevskiy öz isteginen istifa etecegine dair ariza yazğan edi. Qırımnıñ rusiyeli yolbaşçısı Mihalçevskiyni qanun «maddesine» binaen işten boşatmamaq içün, onı istifa etmege zorlağanını iddia etken edi.
