Qırımda tevqif etilgen qırımtatar faali Edem Bekirovnı, Qırımtatar milliy Meclis reisi Refat Çubarov, qırımtatarlarnıñ lideri Mustafa Cemilev ve qırımtatar iş adamı Lenur İslâmov Qırımda terror eylemini azırlay ediler, dep şaatlıq etmege mecburlaylar.
Bu aqta Refat Çubarov tünevin Kyivde matbuat konferentsiyası vaqtında ayttı, dep bildire "Ukrinform" haber agentligi.
"Anda sade bir vaziyet. Oña deyler: Refat Çubarov, Mustafa Cemilev ve Lenur İslâmov seni qullanğanını tasdıqla, olar Qırımda terror eylemini azırağanını ayt - ve sende er şey yahşı olacaq", - dep yaza matbuat Meclis reisiniñ sözlerinden.
Onıñ aytqanına köre, dep qayd ete haber agentligi, birinci gruppa saqatlığı olğan Bekirovğa ultimatum qoyuldı ve onıñ qiymeti - adam yaşayışı.
Daa evel Aqmescit №1 SİZO-sınıñ sağlıq bölüminde bulunğan qırımtatar faali Edem Bekirov, iyül 31-inde Yañı Qapığa (Krasnoperekopsk) etap etilecegi taqdirde açlıqnı ilân etmek ve ilâclardan vazgeçmek niyeti aqqında ariza yazdı, dep bildirile edi.
Европейский суд по правам человека 11 июня вынес решение по делу крымскотатарского активиста Эдема Бекирова, обвиняемого в Крыму в незаконном хранении боеприпасов и взрывчатки. В частности, суд постановил срочно поместить его в больницу.
Старший следователь крымского управления ФСБ России Иван Романец, несмотря на решение Европейского суда по правам человека (ЕСПЧ), отказывается госпитализировать крымскотатарского активиста Эдема Бекирова,
Daa evel, Aqmescitniñ №1 SİZOsınıñ tibbiy bölüginde tutulğan qırımtatar faali Edem Bekirov omurğa siñiri sıqılğanı içün on kün töşekten turmağanı, bildirilgen edi.
Daa evel haber etilgeni kibi, Bekirovnıñ cinaiy davası Aqmescitteki rus mahkemesinden Krasnoperekops rayon mahkemesine yollanıldı.
İyünniñ 11-nde Avropa insan aqları mahkemesi Qırımda silâ ve patlayıcı maddelerni saqlağanında qabaatlanğan qırımtatar faali Edem Bekirovnıñ davası boyunca qarar çıqardı. Mahkeme onıñ hastahanege acele yatqızılmasını talap etti.
Daa evel Avropa insan aqları mahkemesiniñ qararına baqmadan, Qırımdaki Rusiye Federal telükesizlik hızmeti idaresiniñ üyken tahqiqatçısı İvan Romanets işğal etilgen Qırımnıñ Aqmescit SİZOsında tutulğan qırımtatar faali Edem Bekirovnı hastahanege yatqızmağa razı olmağanını bildirgen edi.
Qırımnıñ Rusiye prokuraturası FSBniñ Bekirovnı hastahanege avuştırmamaq qararına qoltuttı.
Herson vilâyetindeki Novooleksiyıvka qasabasınıñ sakini Edem Bekirov dekabrniñ 12-nde saba Qırım kirişinde Rusiye uquq qoruyıcıları tarafından tutıldı. O, 78 anasını ve aqrabalarını ziyaret etmek içün Qırımğa ketti. Daa soñra onı Aqmescitteki Rusiye FSB binasına alıp ketkenler. Kreml kontrolindeki Aqmescitniñ Kiyev rayon mahkemesi Bekirovnı eki ayğa apiske aldı.
Advokat Aleksey Ladinniñ bildirgenine köre, Bekirov Rusiye Ceza kodeksiniñ 222-nci maddesiniñ 2-nci qısmı ve 222.1-inci maddesiniñ 2-nci qısmı boyunca (patlayıcı madde ve patronlarnı saqlav ve berüv) şeklene. Uquqçı Lilâ Gemeci qayd etkenine köre, faal 10 kilogramm trotil ve 190 muarebe patronını taşuv ve tarqatuvda qabaatlana.
