Mahsus Qırım.Aqiqat içün
Rusiyeniñ Qırım boyunca Tahqiqat komitetiniñ tarafından qırımtatar Milliy Meclis reisi Refat Çubarovğa qarşı cinaiy davanıñ başlanması, bellesem, bu - işğalciler ilhaqtan altı yıl soñra da yarımadada özlerini evde is etmegeniniñ şübesiz bir tasdıqıdır.
Böyle baqsañ, Tahqiqat komitetiniñ Çubarovdan ne işi bar? Meclis reisini, qırımtatar halqınıñ bir çoq yetekçilerini kibi, yarımadadan çıqarttılar, kene Vatanından marum ettiler. Meclis yasaqlandı ve onıñ yerine sahte teşkilâtlarnı qoymağa tırışalar, qırımtatar milliy areketniñ faallerine qarşı basqı devam ete, işte, Kreml niyasetine narazılıq köstergen er keske kibi. Qırımtatar faalleri tarafından teşkil etilgen "Meñlik yürüşi"ne rusiye siyasetçileri - em de rusiye tahqiqatçıları da - sadece lâqayt qalmaq mümkün edi, o Ukrainanıñ serbest topraqlarında keçecek de. Amma yoq!
Rusiyeniñ Qırım boyunca Tahqiqat komitetiniñ tarafından qırımtatar Milliy Meclis reisi Refat Çubarovğa qarşı cinaiy davanıñ başlanması, bellesem, bu - işğalciler ilhaqtan altı yıl soñra da yarımadada özlerini evde is etmegeniniñ şübesiz bir tasdıqıdır
Çubarovğa qarşı davanı, Rusiyeniñ özü Qırımnı Ukrainanıñ bir parçası sayğan vaqıtta olğan adiselernen bağlı açalar. Bu, Moskovanıñ öz "qanun normalarına" ürmetsizlikni numayış etkeniniñ ilk seferi degil. Bu er vaqıt nasıldır bir siyasiy raqipke qarşı cinaiy dava açmaq kerek olğanda, amma Rusiye Federatsiyası territoriyasında - atta küçük sebeplerge köre - mesüliyetke çekmesi içün iç bir kerçek amel olmağanda yapıla. Bundan soñ Tahqiqat komiteti başqa devletlerniñ topraqlarında yapılğan "cinayetler" içün maküm etip başlay. Ahtem Çiygöz ve başqa Ukraina vatandaşları ukrain Aqmescitte mitingde iştirak etkeni içün taqip etilgen "Fevral 26-sınıñ davası"nı hatırlayıq, ya da qırımlı ukrain vatandaş Kyivde Meñlik inqilâbında iştirak etkeni içün "Kostenko davasını" (söz arası, Qırımda böyle bir qac dava bar edi)..
Bellesem, bunıñ arqasına sadece uquq qanunsızlığı degil, amma öz qanunlarına ve atta aqılğa ürmetsizlik bar.
Eminim, bunıñ artında daima qorqu gizlene. İşğalciniñ qorqusı.
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Vitaliy Portnikov, Kyivli jurnalist, Qırım.Aqiqat müellifi
