Mahsus Qırım.Aqiqat içün
Rusiye tış işler naziri Sergey Lavrov, "Qırımda insan aqları ile bağlı müşkül al aqqında laflarğa" - uydurmalar dedi. Amma, Rusiye müessisesiniñ başı, sözlerine ne delillerni ketirgeni degil meraqlı (anda temelli bir delil de olmadı). Meraqlısı - yarımadada dayanılmaycaq bir vaziyet aqqında aytqanlarğa Lavrovnıñ teklifidir.
O, olarğa Qırımğa kelip, er şey yahşı olğanını körmege teklif ete. Bu, Smolenskaya meydanındaki işhanede Lavrov selerlerinden birisiniñ - Stalin zamanındaki tış işler naziri Vâçeslav Molotovnıñ qullanğan usulıdır.
Körünip tura ki, Kreml, Stalinniñ yolunen yüre
30-ıncı yıllarda Ğarpta, bütün SSSRde insan aqları bozulğanı aqqında çoq ayta ediler. Ve sovet reberligi, er şey yahşı olğanını köstermek içün, çaresi olğan er kesni memleketke davet ete edi. Ziyalarnı, siyasetçilerni, cemaatçılarnı. Bazılari Potömkin köyleriniñ numayışına qapılmadı. Başqaları içün, meselâ belli nemse yazıcısı Lion Feyhtvanger içün, bu ziyaret, kerçek itibar felâketi oldı. Amma buña baqmadan, sovet propagandası, öz istegini ala edi: köresizmi, er şey yahşı! Basqı ve insan aqlarınıñ bozulması aqqında laflar nafile etile.
Ve, elbette ki, yazıcı ya da sol faal degil de, "burjua parlamentiniñ" nasıldır bir itibarlı mebusı, iş adamı ya da atta aqiqiy bir nazir kelse, bu büyük ğalebe edi - köresizmi, biznen çalışmaqnı, biz - bir şeyni bozmağan qanuniy akimiyet olğanımıznı olar bile qabul ete.
Qırımnen beñzerlik daa şunda ki, ğarbiy demokratiyalar, bolşevistlerniñ akimiyetini daa çoq vaqıt devamında tanımağa istemey edi, ve, işte, Leninnen Stalin, şimdi Aksönov bulunğan vaziyette ediler. Tek Aksönov - Qırım ilhaqı protsessiniñ iştirakçisi, Lenin ve Stalin ise, bütün Rusiyeni ilhaq etti.
Ve, ğarbiy ziyaretçini Aqmescitke ketirip, "Vremâ" programmasında Sergey Aksönovnen körüşüvi numayışınıñ, eminim ki, insan aqlarına iç bir alâqası yoq
Körünip tura ki, Kreml, Stalinniñ yolunen yüre. Rusiye başlıqları Donbass vaziyetinde, Kyivni "halq cumhuriyetleri" denilgen oyuncaq memuriyetlerinen muzakelerge mecburlaycaq olsa, Qırım vaziyetinde, olduqça çoq ğarbiy "parlamentariy ve siyasetçilerni" yarımadağa aldatıp ketirmege kerek.
Allarnıñ ekisinde de qanunleştirüv aqqında laf kete. Birincisinde - "halq cumhuriyetleri"niñ qununleştirmesi ve Ukraina topraqlarında endi bir degil de, üç devlet olğanı aqqında. Ekincisinde - Qırım ilhaqının qanunleştirüvi ve onıñ rusiyeli statusınıñ qabul etüvi aqqında.
Ve, ğarbiy ziyaretçini Aqmescitke ketirip, "Vremâ" programmasında Sergey Aksönovnen körüşüvi numayışınıñ, eminim ki, insan aqlarına iç bir alâqası yoq.
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
Vitaliy Portnikov, Kyivli jurnalist, Qırım.Aqiqat közeticisi
