Mahsus Qırım.Aqiqat içün
İşğal etilgen Donetskteki "mahkeme" tarafından Radio Svoboda jurnalisti Stanistav Aseyevge çıqarılğan uydurma ve aqsız üküm, Qırımda zenaatdaşımız - Qırım.Aqiqat müellifi Mıkola Semena oğrağan taqibatnı hatırlata.
Eminim, Kreml, aqiqatnı söylegen jurnalistlerden qorqa. Vladimir Putinniñ akimiyeti daa yigirmi yıl evel Rusiye televideniyesini tolusınen nezaret altına alğanı tesadufiy degildir. Soñra gazeta, mecmua, radio stantsiyalarınıñ ve atta onlayn neşirlerniñ sırası keldi. Rusiye başlığınıñ propagandasına uymağa istemegen, sadece "radarlardan yoq ola". Matbuatnı yañı "doğru" saiplerge bereler, onlayn neşirni yasaq eteler, aqiqatnı söylege jurnalistlerni taqip eteler.
Ve Rusiye birevniñ toprağına kelgende, tez-tez anda öz qaidelerini qura. Mıkola Semenanıñ taqibatı, Stanislav Aseyevniñ taqibatından sadece "açıq" yapılğanınen farqlana. Qırım resmiy olaraq Rusiye Federatsiyası terkibine "kirsettilgen". Semenanıñ mahkeme davasını tam gizlilik şaraitinde keçirip olamaylar. Cezalanğan jurnalistnen zenaatdaşları ve uquq qoruyıcılar körüşe bile.
Semenağa boştan-quru uydurılğan qabaatlavnı qoşıp olamaylar. Ve, belki de, bu, zanaatdaşımıznı sahte ükümge baqmadan, apis cezasından qurtardı.
Aseyevniñ mahkemesi ise qaranlıqta yapıla. Tam qaranlıqta
Aseyevniñ mahkemesi ise qaranlıqta yapıla. Tam qaranlıqta. İşğal etilgen Donbassta adaletli aq-uquq yoq. Bu Ukraina bölgesini talağan marionetkalar, anda istegenini yapa bile - sadece Rusiye "şorbacılar"nıñ razılığı olsun.
Tamam bunıñ içün bütün Rusiye reberligi söz azatlığına beslegen nefreti, Donbassta açıq-aydın, iç bir türlü saqınuv ve acımasız körüne.
Eminim, Stanislav bu qoyulaştırılğan nefretniñ qurbanı oldı.
«Fikir» rubrikasında bildirilgen fikirler, muelliflerniñ öz fikirlerini ifade ete ve muarririyetniñ noqtai-nazarını er vaqıt aks etmezler
