"Normandiya dortü" - Ukraina, Rusiye, Frenkistan ve Almaniya - liderleriniñ üç yıl içinde ilk körüşüvi Parijde dekabrniñ 9-ında keçe.
"Amerika sesi" ile Radio Svoboda yaratqan Natoyaşçeye Vremâ televizion kanalı, Volodımır Zelenskıy, Vladimir Putin, Emmanual Macron ve Angela Merkelniñ körüşüvine bağışlanğan mahsus efirni keçire.
Efir. Birinci qısım:
Yelisey sarayında eki taraflı muzakereler endi keçti. Volodımır Zelenskıynıñ Emmanual Macron ve Angel Merkelnen de körüşüvi oldı. Vladimir Putin de olarnen körüşti. Bundan soñ, Putin ve Zelenskıynıñ körüşüvinen toqtatılğan, dört taraflı muzakelerler oldı. Soñra dört devletniñ başları kene berabeklikte körüşecek ola.
Aytışmalarda Kyiv, Rusiyeden "er kesni er keske" - şu cümleden Ukrainanıñ nezaretinde olmağan Donbass territoriyalarında tutulğan ukrainler de tututla - formatında mabüsler almaşuvını talap etecek.
Prezident Zelenskıy, Donbassta atuvlarnıñ toqtatılmasını ve Rusiyenen Ukraina arasındaki bütün öz sıñrınıñ nezaretini talap etecek, dep bildirdi. Şimdilik Kyiv, ülke şarqındaki 400 kilometrge qadar sıñırnı kontrol etmey.
Dekabrniñ 9-ında saba Kremldeki menbalar, Rusiye aytışmalarda "keskin pozitsiyanı" almağa niyetinde olğanını haber etti. Tahmin etile ki, Rusiye Ukrainadan, nezaret etilmegen topraqlarda saylav keçirilmesini ve Donbass topraqları içün mahsus statusnı istecek. Daa evel prezident Zelenskıy, Ukrainanıñ şarqındaki separatist bölgelerine muhtariyetni bermeycegini bildire edi.
Dekabr 9 sammiti, Ukraina ve Rusiye munasebetlerinde ilerlev sayesinde mümkün oldı. Sentabrde Rusiye ve Ukraina mabüslernen almaştı, noyabrde ise Moskova, Kyivge üç zapt etilgen gemini qaytardı. Daa ülkeler, cebe safında olğan üç bölgede ordularnıñ çıqarılması aqqında añlaştı.
Как в Киеве «провожали» Зеленского на «нормандскую встречу» (фотогалерея)
Moskova, separatistlerge iqtisadiy, siyasiy ve arbiy yardım etkenine baqmadan, Donbass çatışmasına ait olğanını red ete.
Ukraina şarqındaki çatışmanıñ başından berli 13 biñde ziyade adam elâk oldı.
Paristeki körüşüv, "Normandiya dörtüniñ" dörtünci körüşüvi oldı. Bundan evel dört ülkeniñ yolbaşçıları bu formatta 2014, 2015 ve 2016 yıllarında köüşken edi.
