ABD-niñ yañı saylanğan prezidenti Donald Tramp, onıñ memuriyeti Rusiye-Ukrayina cenki üzerinde çalışacağını bildirdi.
"Biz Rusiye ve Ukrayina üzerinde pek qattı çalışacaqmız. Bu toqtatılmalı. Rusiye ve Ukraнina toqtamaq kerekler", — dep ayttı o.
Aynı zamanda, Amerika siyasetçisi bunıñ nasıl olacağını aytmadı.
Bir kün evelsi prezidentniñ milliy havfsızlıq mesleatçısı vazifesine tayin etilgen Mayk Uolts, Donald Trump eki tarafnı da muzakere masalarına oturtmaqnı planlaştıra, böyleliknen Rusiyeniñ Ukrayinağa qarşı cenkini yekünleycek, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
