“Korüngenim kibi özümi is etem”, – dep başlay sağlığı aqqında laqırdını sabıq siyasiy mabüs, Qırım sakini Volodımır Baluh. Keçken sene ağır yaralanğan köteklevden soñ endi özüne keldi, amma ekimlerniñ aytqanına köre, reabilitatsiyağa ihtiyacı bar.
50 yıllıq yubileyi künü qırımlı qoratnası, destek, siyasiy faaliyeti ve alâ daa apiste qalğanlarğa yardım aqqında tüşüne. Baluh özüni alil insan esap etmege azır degil, bu aqta şaqa ete, planlar qura, amma eñ çoq eki yaşındaki torunını quçağına almağa arzu ete.
Eñ qımetli şeyler ve siyaset aqqında Volodımır Baluh Qırım.Aqiqatqa aytıp berdi.
– Ekimler saqatlıq resmiyleştirmege teklif eteler, amma men maneviy ceetten azır degilim, kendimi böyle sayıp olamayım. Bazı fizikiy qusurlardan ğayrı “evel” ve “soñ” arasında farqnı is etmeyim. Reabilitatsiya elbette kerek, belki de bir yerge yollarlar, men ise nasıl etip para qazanmağa ve yaşayışqa dönmege tüşünem. Şimdi qayda ketecegimni añlamağa tırışam
Er kün Qırım ile, qorantam ile laf etem
“Siz siyaset ile meraqlanmasañız, bu o siz ile meraqlanmay demek degil” maña endi aytqan ediler. Doğrusını aytsam, men içün bu meraqlı. Bazıda adamlar öz temizligini saqlamağa istep, siyasiy esnaslardan uzaqlaşalar, amma soñra bu esnaslarnı digerler idare etkenini köremiz ve biz olarğa bağlı olamız. Men siyasiy yaşayıştan uzaqlaşmaycağım, amma yaşamaq içün resurslar kerek. Bunıñ aqqında teklifler ve bazı ğayeler bar, amma soñ qararlar daa yoq. Vaqıt kerek, iç olmağanda yazğace.
Первый юбилей за пределами Крыма: история Владимира Балуха в фотографиях
Şimdi men er kün Qırım ile, qorantam ile laf etem. Anam, Allah şükür, yaramay degil, yaşayışı qıyın edi ve şimdi pek qolay olamaz.
Torunım selâmlar yollay, “qartbaba” dey. Yaqında eki yaşını tolduracaq, men ise onı daa quçağımda iç tutmadım. Körüşkenimizde pek çoq quvanç olacaq. Bunı beklep yaşayım.
Talebe olğanımda, er doğğan künümde, bugün menim doğğan künüm munasebeti ile tantanalı tedbir, dep şaqa ete edim. Aqılıñızda olsa, Şuralar Birliginde fevralnıñ 8 Antifaşist künü edi. Şunıñ içün men memnüniyet ile hayırlavlarnı qabul etem, dey edim. Şimdiki vaqıtta millet, memleket, cemiyet ögünde esas vazifemiz – zemaneviy faşizmni yoq etmek.
Millet, memleket, cemiyet ögünde esas vazifemiz – zemaneviy faşizmni yoq etmekVolodımır Baluh
Men içün eñ yahşı bahşış bu künni sevimli insanlarım – anam, oğlum, torunım, qorantam ile keçirmek. Amma şimdi bu imkânsız, maddiy bahşışlar istemeyim, göñül raatlığını isteyim. Bugün balalıq dostumnen körüşecekmiz, bu men içün pek müim. 50 yaşını toldurğanıma baqmadan büyük, tantanalı bayram olmaycaq, soñki sefer dostlarım ile 45 yaşımnı qayd etken edim.
2019 senesi meni Maydanda hayırlay ediler, banner asıp qoyğan ediler, men bını apishanede bildim, bağ bar edi, er şey nasıl keçkenini aytıp bergen ediler. Er keske minnetdarım. O vaqıt ve şimdi meni ne qadar insan qayğırğan edi, tasavur etep olamayım bile. Büyükten-büyük teşekkürlerim, er keske saqlıq ve ikmet tileyim.
Bügnde apishanelerde tutlğan adamlar bar. Biz azat etilgen soñ, devlet tarafından mahkümler içün belli bir adımlar yapılmadı. Bizim borcumız – siyasiy mabüslerniñ azat etilmesi içün bir platforma yaratmaq. Bizni azat etmek içün, reabilitatsiyamız içün ne qadar çoq insan ğayret etti, şimdi ise bir türlü adımlar yoq.
Siyasiy baqışları içün apis yerleyerinde bulunğan insanlarnıñ mevzusını kerekli seviyege çıqarmalımız. Nafile olmaması pek müim. Rusiye apishanelerinde ve DNR zindanlarındaki siyasiy mabüslerniñ ağır vaziyeti al etilmesi maqsadınen bu platforma iç esnaslarğa tesirli olması içün mesleatlaşmalar, muzakereler keçirile. Azırlanamız ve ümüt etem ki, tezden neticeleri aqqında aytıp berecekmiz. Bizim faaliyetimiz is etilecek, dep inanam.
