2025 senesi Rusiye 4336 kvadrat kilometrni zapt etti, bu Ukrayinanıñ umumiy meydanınıñ yüzde 0,72-ni teşkil ete. Bu statistikanı Ukrayina Mudafaa nazirligine bağlı olğan DeepState OSINT leyhası bildire.
Talilcilerniñ esaplavlarına köre, 2023 senesi qara qış ayınıñ 1-den 2026 senesi qara qış ayınıñ 1-ne qadar zapt etilgen topraqlarnıñ umumiy meydanlığı 7463 kvadrat kilometrge artqan
"Evelki yıllarğa köre, 2025 senesi Ukrayina mudafaa quvetleri içün kerçekten de qıyın oldı", — dep qayd ettiler leyhanıñ talilcileri.
İşğal etilgen vilâyetleriniñ statistikası şöyledir:
- Dnipropetrovsk – 0.6%;
- Sumı – 1.0%;
- Harkiv – 4.7%;
- Herson – 72%;
- Zaporijjâ – 74.8%;
- Donetsk – 78.1%;
- Lugansk – 99.6%.
Qırım da deñişmelersiz, 100% işğal etilgen dep sayıla.
Ukrayinanıñ episi olıp 116 165 kvadrat kilometr toprağı zapt etilgen — bu umumiy territoriyanıñ yüzde 19,25 dep bildire DeepState.
İlk qış ayınıñ soñunda Ukrayina akimiyeti Çerniğiv vilâyetindeki sıñır köylerinden zornen tahliye başlanğanını ilân etti.
