Aprelniñ 29-ında koronavirus infektsiyasınıñ yayılmasına qarşı küreşken operativ ştabnıñ oturışında rusiyeli Qırım başı Sergey Aksönov, bölgelerde pandemiyanen bağlı ilân etilgen sanitariya ve epidemiologiya rejiminiñ bozuluvı içün bölge memurlarını qattı cezalacağını ayttı.
Aksönovnıñ bu sözleri rusiyeli Qırım ükümetiniñ reisi Yuriy Gotasnükniñ Qırım belediyelerinde sanitariya ve epidemiologiya rejiminiñ bozuluvı aqqında maruzasından soñ seslenildi.
"Bozuluvnı qayd etken er teşkerüvden soñ, nezaretni yapqan, bunı közetmege mecbur olğan belediye memurlarğa qarşı bir tesir tedbiri körülecek - tazirden başlap, bağışlañız, işdeşlerim, işten çıqaruvğace", - dedi Aksönov toplaşuvda.
Aksönovnıñ aytqanına köre, Rusiye nezaretindeki Qırım ükümeti yerli akimiyetke işana, çünki olar "er bölgedeki vaziyetni daa güzel bile".
Aqmescit şeer şurasınıñ sabıq deputatı Stepan Kiskin, sanitariya ve epidemiologiya rejimine tabiy oluv içün mesüliyet Qırımdaki Rusiye İçki İşler Nazirligini üzerine tüşmeli, dep saya.
"Menimce, operativ ştab qabul etken qararlarnıñ ömürge keçirilmesiniñ nezareti içün mesüliyet İçki İşler Nazirligini üzerine tüşmeli. Başqa taraftan, yerli akimiyet İİN hadimlerine qanun bozuqlıqlarınıñ qayd etmesinde ve teşkilatlarnıñ reberlerini mesüliyetke celp etmesinde yardım etmeli", - dedi siyasetçi.
Yaltadan olğan cemaat faali Oksana Kravçenko-Stigoresko aytqanına köre, Yaldata, sanitariya ve epidemiologiya rejimine baqmadan, ticaret qururcılığı devam etmekte.
"Menimce, Gotsanükniñ vaziyetten haberi yoq ve o yañlış malümatnı köstere, mıtlaqa Yalta bölgesindeki bütün ticaret qurucılıqlarında qurucılarnıñ faal çalışması aqqında. Qururcılar er yerde çalışa. Böylece, meselâ, pandemiya ve adamlarnıñ izolâtsiyasınen qullanıp, Timirâzeva soqağında 14 qatlı evlerniñ qurulması içün qora köterip başladılar. Primorskiy parknı yoq etip, anda inşaat yapqan sımarışçı ve icracılar. Közlerini yumğan ve qurucılıqta çalışqanlarnıñ arasında bir qabarcılıq alâqası körünmeymi? Yerli memurlarğa barğanda, olar raat-raat öz meselelerini çeze", - dedi faal.
Rusiye tarafdarı olğan Qırım cemaatçısı, "AntiNATO" areketiniñ faali, "Qırım baari"nin iştirakçisi Larisa Kuraşkina, Qırımda yerli akimiyet şimdiki vaziyette semereli çalışmay dep saya.
"Qırımda yerli akimiyetnen büyük problemalarımız bar. Olar öz başına cemaatçılarnıñ qorquzuvından ğayrı bir şey yapıp olamay. Amma bayağı adamnıñ aş-suvğa parası yoq. Müessiselerniñ keliri yoq, amma vergileri qaldı. Ştansız qalmamaq içün, adamlar qorqa-qorqa işini devam ete. Yerli akimiyet ise olarğa destek bermegeninden ğayrı, naqliyatnıñ yürüşini teşkil etip olamay, avtobuslar azlaştı ve top-tolu yüre. Ştabda mına bularnı aytmaq kerek ve bu meselelerni çezmek kerek", - dedi faal.
"Azat Qırım" areketiniñ faali Reşat Memetovğa köre, yerli akimiyet, müessiselerniñ tarafından sanitar ve epidemiologiya rejiminiñ bozuvına sıq-sıq bile-bile közlerini yuma.
"Mesele şunda ki, bir çoq müessiseniñ saipleri yerli mebuslardır. Ebet, çoqusı alda olar memuriyetlerniñ başlarınen dostlar, onıñ içün qoyulğan yasaqlarğa baqmadan özleri çalışa. Bu hususiyetle küçük şeerlerde körüne. Aksönov öz emir ve buyruqlarnıñ yerine ketirilmesini istese, o zaman yerli akimiyetniñ bozuqlıqlarını sözde degil, amelde areket etmeli. Amma şahsen men sayam ki, bu yasaqlarnıñ kerekli neticesi olmaz. Artıq añlayışlı ki, koronavirus çoqqa sozulacaq", - dedi Qırım.Aqiqatqa faal.
Подконтрольный России глава Крыма Сергей Аксенов продлил режим повышенной готовности на аннексированном полуострове до 11 мая включительно. Поправки в указ об этом опубликованы на сайте российского правительства Крыма.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
