Qırım gazetaları koronavirus infektsiyasınıñ yarımadada nasıl yayılğanı, vicdansız kommunal hızmetler işçileri ve distantsion tasilniñ hususiyetleri aqqında yaza.
"Krımskaya pravda" ("Qırım aqiqatı") gazetası "Boş atuvlar" olmaz" maqalesinde keçken raatlıq künlerinde Qırımda koronavirus infektsiyası ile yoqulanğanlarnıñ sayısında künlük "rekord" qırılğanını haber ete, bir künde on adam oldı. COVID-19 sebebinden tibbiy nezaret altında olğanlarnıñ da sayısı pek arttı. "Aynı zamanda, özüni izolâtsiya etüvniñ şimdiki şeklini devam etmek mümkün degil - adamlarnı ve biznesni desteklemek içün daa radikal, böylece daa paalı tedbirlerni kirsetmek kerek olacaqtır. Qırım akimiyeti, ülke prezidentiniñ fikrine ve bölgedeki epidemiologiya vaziyetke esaslanıp, qarar alacaq. Elbette ki, bir künde yahşılaşuv olacağınıñ ihtimalı pek az", - yaza gazeta.
"Komsomol aqiqatı. Qırım" ("Komsomolskaya pravda. Krım") gazetası "Sadece taqlit etüv" maqalesinde, qırımlılarnıñ neçün öz podyezdlerini özleri yuvmaq mecburiyetinde qalğanları aqqında yaza. "JKH Kontrol" müdiri Anatoliy Petrov aytqanı kibi, mart ayınıñ soñundan başlap Qırımda podyezdlerniñ dezinfektsiya etilmesine dair şikâyetler içün acele hat açıldı. Telefonğa ve elektron poçtasına 100-den ziyade muracaat keldi. Esasen Keriç, Aqmescit ve Kezlevden er kün 5-6-şar kere çan qaqıla. Onıñ aytqanına köre, kirişlerniñ dezinfektiyası yapılğanda, "kerçekten yapılmay, sadece taqlit etile". "Yerlerde, atta bütün idareler qaysı kirişleri ilâclanğanını ve qaysıları yapılmağanını bilmey. Çoq şükür, bizde virus kütleviy yayılmadı, aysa bütün bu taqlitniñ neticeleri yahşı olmaz edi", - dedi Petrov. İdare etüv şirketleri çoq qatlı evlerniñ tahminen 30%-ını ilâclay, qalğan iş ise sakinlerniñ özlerine qala. "Ne içün nizamsız yapıla? Çünki idare etüv şirketler ve sakinler arasındaki añlaşmada podyezdlerniñ dezinfektsiyası kibi madde yoq", - bildire gazeta.
"Krımskaya gazeta" ("Qırım gazetası") yarımadada talebeler içün distantsiya tasiliniñ jususiyetleri aqqında yaza. "Balalar, ana-babalar ve ocalar şaşmalap qaldı: distantsion tasilniñ aletleri tamamınen teşkerilmedi, kimerlerniñ kompyuter ya da inteneti olmağanı içün bu vastanı qullanmaq atta imkânsızdır. Tevsiye etilgen tasil platformalarına talebelerniñ büyük aqıntısı sebebinden olar sanki "boğuldı". Ocalar 24/7 rejiminde çalışmaq mecbur. Amma aynı zamanda, belli oldı ki, olarnıñ er kesi degil kompyuternen çalışmağa bile", - yaza matbuat. "Bazıları içtimaiy ağlarda distantsion tasil muvafaqiyetsiz olğan, dep netice çıqarmağa aşıqtı. Amma Qırım İçtimaiy palatası vekilleri, Tasil nazirliginiñ hadimleri, ocalar ve ana-babalarnıñ toplaşuvında bu fikirnen razı olmadılar. Qırım mektepleriniñ dörtten biri distantsion tasil esnasına keçüv muvafaqiyetli olğanını ayta bile. Tasil nazirliginiñ malümatına köre, mekteplerniñ tahminen 25%-ınıñ ekektron platforması ve kerekli tehniynik vastaları bar, olar ekektron jurnalına ve elektron kündelikke de bağlanğanlar", - qoşa gazeta.
Maqalede ilhaq etilgen yarımadada qullanılğan ıstılaat işletil
