Qırım gazetaları maqaleleriniñ çoqusını koronavirus infektsiyası aqqında yazmaqnı devam ete.
"Krımskaya pravda" ("Qırım aqiqatı") gazetası "Tamamınen izolâtsiya etilemiz" maqalesinde yarımadadaki "halq ve matbuat "karantin" dep aytqan" sıñırlav tedbirleri aqqında tarif ete. Gazeta, kimge ve ne şartlar ile evden çıqamaqnıñ mümkün olğanını añtalata, rejim bozuvı içün ne cezası olacağı ve sıñırlavlarnıñ ne qadarğa uzanacağı aqqında yaza. Matbuatnıñ malümaqtına köre, "Qırım Cumhuriyetiniñ bütün ealisi içün aprelniñ 6-sınace sert izolâtsiya rejimi kirsetile".
"Qalğan adamlar sadece iş reberinden alıñğan malümat kâğıtı esasında cumhuriyet territoriyasında yürü bile. Kâğıtta politsiya teşkerecek başlığınıñ İNN-ni olmalı", - yaza rusiyeli Qırım baş naziri Yelena Romanovskayanıñ sözlerinden gazeta. "Akimiyet 65 yaşından yuqarı vatandaşlarnıñ ve hronik hastalıqları olğan vatandaşlarnıñ özüni izolâtsiya etmek rejimine riayet etmesini hususan talap ete.", - yaza "Krımskaya Pravda". Gazetanıñ malümatına köre, sıñırlav tedbirleri aprelniñ 6-sınace ükümsürecek. Amma, Qırım parlamentiniñ spikeri Vladimir Konstantinovnıñ aytqanına köre, mahsus rejimni daa en azından bir aftağa uzata bileler.
"Krımskaya gazeta" ("Qırım gazetası") "Aqibetli karantin" maqalesinde başqa adamlarnıñ koronavirusnen hastalanmasına sebep olğanlarnı ne cezası beklegeni aqqında yaza. Matbuatqa köre, Rusiye Devlet Duması karantin rejiminiñ bozması içün cinaiy mesüliyetlikniñ kirsetilmesi aqqında qanunnı qabul etti. Sanitar-epidemiologiya qaidelerine uymaması içün eki ve ziyade adamnıñ ölmesine sebep olsa, yedi yılğa qadar apis cezası üküm etile bile. Cöremeler 2 million rublege qadar ola bile. Ealiniñ ayatı ve telükesizligi içün havf yaratqan allar aqqında bilip yañlış malümatnıñ cemiyette yayılması içün 300 biñden 700 biñge qadar cöreme alması teklif etile. Sahte haberniñ netisecinde sağlıqqa zarar ketirilse, cöreme 700 biñ rubleden 1,5 million rublege qadar olacaq, apis cezası ise - üç yılğa qadar.
"Komsomolskaya pravda. Krım" ("Komsomol aqiqatı. Qırım") yarımadanıñ sakinleri içün özlerini izolâtsiya yapmaq rejiminiñ umumiy talabı aqqında yaza. "2020 sene aprelniñ 3-6-sında bütün vatandaşlarnıñ evden çıqaması yasaq. Ayrı vaziyetler istisnadır: yaşayış ve sağlığıñızğa zarar telükesi; acele tibbiy yardımğa muhtacıñız; eñ yaqın erzaq tükânınace barmañız kerek olsa; çöplükni çıqarmaq; ev ayvanlarını kezdirmek, amma yaşağan yeriñizden eñ çoqu 100 metr mesafesinde. Başqa qaideler arasında - içtimaiy mesafe qaidesi. Adamlar öz ara eñ azından 1,5 metrlik mesafeni tutmalı. Bu qaide bütün cemaat yerlerinde, naqliyatta ükümsüre.
Maqalede ilhaq etilgen yarımadada qullanılğan ıstılaat işletile
