Qırım gazetaları, koronavirus infektsiyasınıñ yarımadada nasıl yayılğanı, ayrı-ayrı müessiseleriniñ çalışıp başlaycaq bilecegi ve Aqyardaki taşınmaz mallar bazarınıñ emrilgeni aqqında yaza.
"Krımskaya pravda" ("Qırım aqiqatı") gazetası "Ölçüler ve yarım ölçüler" maqalesinde "virus yavaş-yavaş, lâkin şubesiz ki, yarımadada yayıla" dep yaza.
Balalarnıñ ilk yoquv adiseleri peyda oldı"Krımskaya pravda"
"Balalarnıñ ilk yoquv adiseleri peyda oldı. Qırımda Qurman rayonınıñ on bir yaşındaki sakininde infektsiya tapıldı. O evel hastalanğan soyundan hastalıqqa oğradı. Aqyarda bir yaş ve eki aylıq qızçıq koronavirusnen hastalandı. Olar yaqında anasınen çetelden qayttı.
Bu, yaqınlarda tayin etilgen adiselerden ğayrı, ilk yerli yoquv adisesi peyda oldı. Yaltadan olğan bir çift tek ülkeden degil de, yarımadadan bile çıqmay edi. Cemiyet deral qasevetlenip başladı: yani adamlar Qırımda belli olmağan bir kimseden hastalandı? Virus observatorlar ve aile infektsiya merkezlerinden tış - soqaqlar ve içtimaiy yerlerge çıqtımı?
Matbuat qayd ete ki, akimiyet özüni izolâtsiya etüv rejiminiñ bozulması içün cinaiy mesuliyetlikni kirsetecek ola. İlk olaraq bu, bütün sıñırlardan keçip, Qırımğa kelgen kurort ziyaretçilerine aittitir.
"Krımskaya gazeta" ("Qırım gazetası") "Dinamika kösterir" maqalesinde yaza ki, koronavirus sebebinden faaliyetini toqtatqan bazı Qırım müessiseleri mayıs ayında işini başlay bile. "Biznesniñ iş başlamasını muzakere ettik, böylece, körgezilecek talaplarnı tayin etmelimiz. Müessiselerniñ işke qaytmasınıñ qaidelerini azırlaymız. Bu mayısta olacaqtır - qararnı epidemiya dinamikasına köre cumaaqşamı künü qabul etecekmiz. Rospotrebnadzor iş başlamaq içün qaidelerni azırlay", - dedi rusiyeli Qırım başı Sergey Aksönov.
"Böylece, müessiseler ve iş adamları içün esas talap - Rospotrebnadzornıñ qaidelerine tolusınen uymaqtır", - yaza gazeta.
Окончания срока «самоизоляции» пока не предвидится, до 1 июня о туристах не стоит даже мечтать"Komsomol aqiqatı. Qırım"
"Komsomol aqiqatı. Qırım" gazetası, koronavirus Aqyarda taşınmaz mallar bazarınıñ emriltkeni aqqında yaza. "Bu yıl, qabul etmelimiz ki, işler pek yaramay. Ğalebeniñ 75 yıllığına bağışlanğan tedbirlerni ve paradnı artıq lâğu ettiler. Mayısta Aqyarda evelleri olğan kibi ziyaretciler aqını beklenilmey. Özüni izolâtsiya etüviniñ soñu yaqın vaqıtta körünmey, iyünniñ 1-inece turistler aqqında hayal etmek bile kerekmey. Qırım akimiyetiniñ tahminleri daa yaramaydır. Sergey Aksönov, yerli musafirhanelerniñ boşluğını toldurmaq içün, yarım million qırımlılarnı raatlanmağa yollamağa söz berdi. Amma bu Qırım, ya bu yıl rusiyeliler Aqyarğa baracaqmı?, - qayd ete matbuat.
Gazeta mühbirleri mesken kiralaması fiyatlarınıñ tüşkenini aşkâr etti. Deñiz yanındaki kimer bir hanelerniñ fiyatları 20 biñ rubleden ucuz.
Aqyarnıñ bütün merkeziy alqası binalarnıñ kirağa berilmesi aqqında ilânlarnen tolu. Evelde nufuzlı binalar şimdi qapalı pencerelerinen siyrek piyadelerni qorquza. Bir-eki ay evel böyle alda tek Bolşaya Morskaya olsa, şimdi kirağa berüv "epidemiyası" bütün alqanı ve yanındaki soqaqlarnı qapladı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
