Qırım gazetaları yarımadada özüni tecrit etme rejiminiñ uzatılması ve sekinleriniñ oña uyğulanması aqqında, ve Aqmescit rayonında yarmalıqnın keçirilmesi aqqında yaza.
"Krımskaya pravda" ("Qırım aqiqatı") gazetası "Kimge azatlıq, kimse azatsızlıq" maqalesinde Qırımda tecrit rejimi aprelniñ soñunace uzatılğanı aqqında yaza. Matbuatqa köre, Rusiye nezaretindeki Qırım akimiyeti normal rejimde çalışa bilecek teskilâtlarnıñ cedvelini keñleştirdi. Olarğa çoq qatlı evlerni qurğan şirketler, internet tükânlarınıñ alış-veriş noqtaları, şımarışlarnıñ ketirme hızmetleri, cenaze hızmetleri işhaneleri aittir.
Gazeta, Qırımda polis hadimelri er kün özüni tecrit etüv rejimini bozğan adamlarnı cezalağanını yaza. Politsiyada aytalar ki, cöreme kibi cezalar sadece ekinci kere tutulğan adamlarğa yazıla. Qalğa allarda ise rusiye quvetçileri bir haberdarlıqnen sıñırlana. "Sual peyda ola ki: bazıları bölge ve atta memleket arasında anda-mında yürgence, adamlar daa ne qadar evde oturmağa mecbur? Elbette, yarımadağa kelgenlerniñ karantinge qadar sert nezareti kerek, amma bütün cumhuriyetni ev apsine mecburlamaq ne kerek?", - yaza maqaleniñ müellifi.
Самоизоляция в Крыму. Вторая неделя (фотогалерея)
"Krımskaya gazeta" ("Qırım gazetası") qırımlılarnıñ mecburiy izolâtsiyağa uyğulaşması aqqında yaza. Matbuatnıñ malümatına köre, "aprelniñ 12-sinece Qırım akimiyeti talebelerni resmiy olaraq distant oquşqa keçirdi. Bu rejimni Qırım aliy oquv yurtları da menimsey. Olardan birisiniñ studentleri ilk online dersleri aqqında teessüratları ile biznen paylaştı". "Başından içtimaiy ağda qapalı gruppa yaratıldı, anda er kes kerekli malümatnı ve bağlantılarnı alıp ola. Lektsiyanıñ özü BigBlueButton platformasında keçti. Bu meydançıq çoqusına tanış, onıñ bir qaç üstünligi bar, misal içün siz sade diñleyici ola bilesiñiz ya da sesnen qoşula bilesiñiz". Bundan ğayrı umumiy subet bar, anda er kes ocanınıñ suallerine cevap berip ve öz suallerini berip ola", - aytıp berdi birinci kurs talebesi Milada Krapivina.
N.A. Semaşkonıñ adına cumhuriyet hastahanesi, karantinde olğan adamlarnıñ distantsion qayd etmesini yapa, yaza matbuat. Koronavirus hastalığı olğan memleketlerden qaytqan qırımlılar İçmimaiy sigorta fondunıñ saytında "Şahsiy kabinet"ten ariza bere bile.
"Krımskiye izvestiya" ("Qırım haberleri") gazetası Aqmescit rayonınıñ Badana (Perovo) köyünde Pasha bayramınıñ arfesinde keçirilgen yarmalıq aqqında yaza. "Satıcılar ve alıcılar maskanen edi, biri birinden uzaq turmağa tırıştı. Ve qomşunıñ şahsiy mekânını kirmeyip, ürmet kösterdiler. Aferin! Ebet, pandemiya vaqtında yarmalıq - eñ yahşı bir ğaye degil. Amma ne yapmalı? Bu mahsulatnı yahşı fiyatqa almağa bir imkândır", - yaza gazeta.
"Şimdi soğannıñ fiyatıarttı, - dep şeikâyet ete pensiyalı Tamara Vasilyevna. - Tükânda - 80 rublege qadar. Mında ise 45. Havuç - 15-ten, pekin qapıstası - 70-80 rubleden, qartop ise bir kilo içün asıl 30-ar kümüş oldı. Alıp qoydım". "Qırımlılar provokatorlar qorquzğan erzaq qıtlılığına inanmağanı pek müimdir. Fermerlerimiz çalışmağa seve ve bile. Bizni ac qaldırmazlar", - yaza matbuat.
Maqalede ilhaq etilgen yarımadada qullanılğan ıstılaat işletile
