Qırımda meyva, tehnikiy ve aşlıq ekinlerniñ berekitine menfiy tahminler bar. Böylece, Kreml nezaretindeki köy hocalığı naziri, Qırım baş naziriniñ müavini Andrey Rümşinniñ malümatına köre, martnıñ 15-inden soñ ava şaraitiniñ keskin bozulması, -10°C derecege qadar ava suvunması artıq tehnikiy ve aşlıq ekinlerge, meyva bağçalarına tesir etti. Bir qac rayonda qış ve yaz arpa, koriandr, hardal, keten ekinleri zarar kördi.
"Canköy, İslâm Terek, Qurman, Yañı Qapı, Yedi Quyu, Aqşeyh, Seyitler, Aqmeçit rayonlarında şeftali, kiraz, vişne, erik, qaysı, alma tereklerinde meyva ekinlerinde çeçeklerniñ ve meyva gönceleriniñ buzlaması da qayd etildi. Qış ekinlerniñ 29%-ı zayıf ve siyrektir. Cumhuriyette umumiy ekin mıntaqası 791 biñ gektardan çoq, qış ekinleri 508 biñ gektarda öse", - haber etti memur.
Rümşin bildirdi ki, onıñ müessisesi er kün Qırımda top ve parçalap mal satuvınıñ fiyatlarını teşkere. "Qayd etem ki, Qırım Köy hocalığı nazirliginiñ esas vazifesi - ealini kerekli miqdarda mahsulatnen temin etmektir".
Qırım cemaat faali Dmitriy Demçükniñ fikrince, şimdiki vaziyette Qırımda erzaq malları mıtlaq paalılaşacaq.
"Baş nazirniñ müavini tarafından, tamamınen qıta teminatına bağlı olğan yarımadada mahsulat telükesizligi aqqında aytmağa eñ azından doğru degil. Bunı yarımadada ösip turğan erzaq mallarnıñ fiyatları tasdıqlay! Şübesiz, epidemiya fiyatlarğa tesir etti", - dedi Qırım.Aqiqatqa faal.
Самоизоляция в Крыму. Вторая неделя (фотогалерея)
Limon, qara boğday, zencefil - yaqınlaşqan burhannıñ, fiyat köterilüviniñ ve giperinflâtsiyanıñ ilk alâmetleridirDmitriy Demçuk
Bundan ğayrı, Dmitriy Demçuk qomşu Rusiyeniñ iqtisadiyatınıñ yaramaylaşması Qırımda fiyatlarnıñ köterilüvine tesir etkenini qayd ete.
"Amma fiyat köterilüviniñ ve iqtisadiyatnıñ çökmesiniñ esas sebebi - cermay mahsulatlarınıñ dünya fiyat bazarında Rusiye reberliginiñ yutquzmasıdır! Endi ise yaramay oyunda güzel çereni saqlamaq içün, Kreml reberleri bütün hatalarını ve hırsızlavlarında epidemiyanı qabaatlaycaq. Limon, qara boğday, zencefil - yaqınlaşqan burhannıñ, fiyat köterilüviniñ ve giperinflâtsiyanıñ ilk alâmetleridir", - dedi faal.
Qırım faali Natalya Kiriçenko Qırım.Aqiqatqa tefsir bergende, fikrince qırımlılar fiyat ösmesine azır, lâkin kiseleri azır degil, dep ayttı.
"Erzaq yedekleri ve Qırım ükümetiniñ planları aqqında malümatım yoq. Aytqanarına inanmaq mecburmız. Burhan keçmesiniñ tecribesi, fiyatlarnıñ oşecegini köstere. Zencefilnen limon artıq rekord ura. Bundan soñ et paalılaşacaq. Bellesem, fikrince qırımlılar fiyat ösmesine azır, lâkin çoqusılarnıñ kiseleri azır degil", - dedi faal.
"Azat Qırım" areketiniñ faali Emine İbraimovanıñ fikrince, qırımlılar yarımadada fiyatlarnıñ daima köterilgenine alıştı.
Epidemiyasız da Qırımda fiyatlar tek köterilgenini kördik. Sebepleriniñ birisi - yük taşımasıdır, bu iş öyle tizilgen ki, kimsege zarar tiymesinEmine İbraimova
"Erzaq belki de em yeter, amma qırımlılarnıñ olar içün parası - yoq. Epidemiyasız da Qırımda fiyatlar tek köterilgenini kördik. Sebepleriniñ birisi - yük taşımasıdır, bu iş öyle tizilgen ki, kimsege zarar tiymesin. Yani poyezd ve furalar tolu kelip, tolu ketmeli. Yarımadağa er şeyni ketireler. Ya biz ne teklif ete bilemiz? Deyerli bir şey. Onıñ içün fiyatlar paalılaşa. Ve olar qıta fiyatlarında da paalı olacaq. Demiryol qurulışı ile macera başlağanda belli edi ki, o iç bir vaqıt öz fiyatını qaytarmaz. Qırım ekologiyası ise ocaqlardan ebediy olaraq zarar kördi!", - dedi Qırım.Aqiqatqa faal.
Aqmescit faali İrina Vronskaya, şimdilik yarımadada mahsulat qıtlığı olmağanını Qırım.Aqiqatqa aytıp berdi.
"Tahmin etmek qıyındır. Şahsen men bugün erzaq qıtlığını körmeyim. Aşayt tükânlarında ve supermarketlerde qorantamız qullanğan bütün mal ve erzaq bar. Kelecekte e olacaq - baqarıq", - dedi faal.
Ebet, pandemiya uzansa, mahsulat qıtlılığı olacaq, fiyatlar ise toqtamay ösecek. Ve yalıñız qırımda degilOlga Veçer
Rusiye cemaat palatasında çalışqan mimar ve cemaatçı Olga Veçer, Qırım.Aqiqat ile fikir paylaşqanda, pandemiya çoqqa uzanması vaqıtta mahsulat qıtlılığı ola bile, dep ayttı.
"Cevabım oldukça sade - ebet, pandemiya uzansa, mahsulat qıtlılığı olacaq, fiyatlar ise toqtamay ösecek. Ve yalıñız qırımda degil", - dep saya cemaatçı.
Qırımda özüni tecrit etüv rejimi sertleşmekte. Qırımda yañı koronavirus infektsiyasınıñ yayılmasınıñ ögüni almaq içün operativ ştabınıñ oturışında, Qırım başı Sergey Aksönov, aprelniñ 11-inden başlap özüni izolâtsiya etmek rejiminiñ bozuluvı içün patrul taqımları cöreme berecegini haber etti.
