Rusiye koloniyalarında 150 qırımlı siyasiy mabüs tutula, dep haber ete Qırımtatar Resurs Merkezi.
Berilgen malümatqa köre, yarımada işğali vaqtında 305 siyasiy mabüs ve cinaiy «davalar» boyunca taqip etilgen kişi qayd etildi. 205-i – qırımtatarı.
Mahküm etilip koloniyada tutula (150, 99-ı – qırımtatarı)
Sıñırlavları bar ve keçici cezaları bar (34, 20-si – qırımtatarı)
SİZOda buluna (34, 25-i – qırımtatarı)
Azat etildi (54, 34-ü – qırımtatarı)
Taqip etile (33, 27-si – qırımtatarı).
Qırım.Aqiqat qırımtatarlar Qırımdan kene nasıl quvulğanını, Rusiye qırımtatarlarnı kene evsiz qaldırğanını «Sessiz sürgünlik» levhasında kösterdi. Film qaramanları ikâyelerini, Rusiye işğal etken Qırımdan nasıl ketkenlerini, ne yaşağanlarını, ne içün qalıp olamağanlarını, şimdi qayda ve nasıl yaşağanlarını ve Qırımğa qaytıp olacaqlarını tarif etti.
Olarnı apiske ala, işkencege oğrata, taqip ete ediler. Rusiye apsine oğramaları mümkün edi. 1944 senesiniñ adiseleri tekrarlana: sovetler akimiyeti qırımtatarlarnı yük vagonlarında çıqarğan edi, şimdi Rusiye tamır halqnı tuvğan evlerini terk etmesine zorlay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
