Rusiye mahkemesi Herson vilâyetiniñ Geniçesk rayonınıñ Çonğar köyünden üç qırımtatarnı — ağa-qardaşlar Artur, Arsen, Ablâmed Memetşayevlerni apis cezasına mahküm etti. Sebep, sanki Noman Çelebicihan adına batalyonğa alâqası olğanlarıdır, dep bildire Qırımtatar resurs merkezi.
Teşkilâtnıñ malümatına köre, Artur Memetşayev 6,5 yılğa azatlıqtan marum etildi ve Mordoviyada cezasını çekmekte; Arsen Memetşayev 5 yılğa mahküm etildi, Lipeçkte cezasını çekmekte; Ablâmed Memetşayev de 5 yılğa azatlıqtan marum etildi ve Dimitrovgradta cezasını çekmekte.
"Qırımtatar Resurs Merkezi dava mabüsleriniñ ükmüni lâğu etmekni ve diger siyasiy mabüslerni acele azat etmekni talap ete", — dep aytıla haberde.
Bundan evel Qırımtatar Resurs Merkeziniñ başı Eskender Bariyev rusiyeliler "Noman Çelebicihan" qırımtatar batalyonına alâqası olğanında qabaatlanğan 33 ukrayinalını tutqanını bildirdirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
