Rusiye ordusı mayısnıñ 21-ne keçer gecesi Ukrayınağa üç taraftan 29 dane Shahed-131/136 darbe uçucısızınen ücüm etti: Rusiyedeki Primorsko-Ahtarskoye ve Kurskoye, işğal etilgen Qırımda Çauda burnundan, dep haber ete Ukrayına Silâlı quvetleriniñ Ava küçleri.
«Ava uruşı neticesinde Odesa, Mıkolayıv, Dnipropetrovsk, Harkiv, Çerkası, Herson ve Kirovograd vilâyetlerinde 28 «Şahed» urıp tüşürildi», – dep aytıla haberde.
Ava quvetleri darbeni Ukrayına Mudafaa quvetleriniñ mobil ateş gruppaları, Ava quvetleri ve Qara quvetleriniñ zenit raketa bölükleri, qırıcı aviatsiya ve radioelektron küreş bölükleri keri qaytardı.
Rusiye arbiyleri Ukrayına regionlarına çeşit silâdan muntazam surette ücüm ete. Delillerge baqmadan, Moskva, büyük istilâ başlağanından berli, Ukrayina vatandaşları ve infrastrukturağa nisbeten maqsatlı ücüm olğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
