Külmeñiz, amma şahsen men keçenlerde birni domuz grippinen qorqutqan Yuliya Vladimirovna Timoşenkoğa soñsuz minnetdarım, onıñ sayesinde ailemizde bir top maska bar. Olsun özüminz tikken marlâ maskaları, amma bizde olar bar, çünki şimdi Keriçte yerli tikici fabrika bile berilgen hammaldan maska tikmek içün sımarış aldı. Şeerde yerleşken koloniya ise başqace, reberligi şimdi populâr olğan bizneske azırlandı: apisliler evelden alınğan basmalardan tike.
Saibimizniñ kâtibi aydavcısı ile bütün şeerni aylandı ve özüni halq qaramanı saya, çünki o, beş danesi 40 ruble olğan eki qatlamlı salfetkaları bar olğan ilâchaneni taptı, endi tek reznaçıq iliştirsen - maska azır. O soñki 16 paketni aldı, böyleliknen epimiz bir aftalıq tatilgece raat yaşap olamız.
Rusiye qıtasında maska ve respirator sımarlamağa, sanki mümkün, amma tefefon ile birden mallarnıñ olmağanı aqqında haber eteler.
İlâchanelerde telâş ve nevbetler yoq, çünki şimdi qıtlıq olğan mal bir qaç afta evel bitti. Gigiyena ve dezinfektsiyağa lâyıq er şey birden satıldı. Ve şeerde olğan lâqaytlıqqa bu ters kele. Soñ künlerde maskalı adamlar daa çoq olsa da, olarğa küncelik ve saqınlıqnen baqalar, sanki maskanı qayda satın alğanlarını bilmek isteyler. Rusiye qıtasında maska ve respirator sımarlamağa, sanki mümkün, amma tefefon ile birden mallarnıñ olmağanı, fiyatı belli olmağanı ve teminat müddeti malüm olmağanı aqqında haber eteler. Kâtibimiz, misal içün, yalıñız aprelniñ 10-una sımarış almaq nevbetine qoyuldı. Böylece, bizge nevbet kelse bile, fiyatı iç 36 ya da 58 ruble bile olmaz.
Şimdi Keriç ilâchanelerinde 100 millilitrlik degil, 10 millilitrlik şişeçiklerge tökülgen hidrogen peroksidini teklif etip başladılar. İlâchane hadimleri, olarnen azbar ayaqqabını sıypamaq, tükân ve naqliyatta qullanmağa tevsiye ete. Yardım etermi, yoqmı - belli degil, amma 37 rublelik fiyatı ucuz kele, onıñ içün yahşı satın alalar.
Adamlar yardım eter, dep ümütlene, çünki keçken afta 60 ruble olğan spirtniñ 100 millilitrlik şişesi bu afta endi 128 rubledir.
Bütün ilâclarda bayağı paalılaştı. Bunı dollar ve yevro fiyatınıñ köterilmesinen añlatalar. Alıcılarnıñ bütün şikâyetlerine ilâchane işçileri, Rusiye ilâclarnıñ istisalında çetelden kelgen komponentler qullanğanını, böylece fiyat köterüviniñ mantıqı bar olğanını añlata. İlâclar uzanıp paalılaşa der edim: başta 480 ruble edi, siñra 504, şimdi 535. Bu Hindistanda istisal etilgen "Enzistal" ilâcınıñ fiyat artmasınıñ nümünesidir. Ve bütün şey böyledir. Amma tükânlarını bir qaç saatqa esaplamaqqa qapatıp, soñra yañı fiyat yarlıqlarınen açqan tükânlarğa oşamayıp, ilâchaneler, eski fiyatlı ilâclar keçken ketirüvden olğanını açıq ayta.
Bint ve pamuq aqqında suallerge itirazlardan bezgen ilâchaneciler "şimdilik bar" dep cevaplana. Ancaq paratsetamolnı sorasañ, açuvlanıp başlaylar. "Ne deysiñiz? Onı yigirmişer, otuzar, qırqar dane ala ediler, - dey bir ilâchaneniñ işçisi. - Ap degil, paket! O koronavirustan tedaviylemegenini añlatmağa fayda yoq edi. İlâcnıñ qullanuv müddeti bar - o konyak degil, vaqıt keçkeninen yahşıca olmay. Amma yoq, sanki özlerine degil topnen ala ediler. Belki, kerçekten de özlerine degil, yañıdan satmaq içün?"
Rusiye ilâc teminatı saytlarını baqsañ, ketirilmesi bir qaç künge keç qalğanı körüne, çoqusında ise büyük arifler ile "satlıqta yoq" dep yazılğan. Bu, koronavirus hastalığınıñ körüngen bir mürekkepleşmesidir.
Andrey Furdik, qırımlı, bloger
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
