Qırım gazetaları Aqmescitte yollarnıñ nasıl tamir etilgeni, vasiylik şuralarınıñ faaliyeti ve yarımada ilkimi aqqında yaza.
"Krımskaya pravda" ("Qırım aqiqatı") gazetası "Ğayretnen tamir eteler ve qapatalar" maqalesinde, Qırımnıñ rusiyeli başı Aqmescit yollarınıñ tamirlevini teşkergeni aqqında yazalar. Yanında olğan Qırım naqliya naziri Sergey Karpov haber etkeni kibi, şimdilik Aqmescitniñ tamir etilecek yolları cedveline umumen 514 kilometr olğan 839 soqaq kirsetilgen. Yılnıñ soñuna qadar daa 326 soqaqnıñ pasportizatsiyası yapılacaq ola. Bundan ğayrı aman-aman 100 kilometrni teşkil etken 122 prioritet obyektini sayladılar. Bundan da ğayrı, 18 obyektni "Telükesiz ve keyfiyetli maşna yolları" milliy leyha çerçivesinde kerçekleştirecekler. 49 soqaqnıñ temelli tamir etüvi ve 73 soqaqnın tamirlevi planlaştırıla.
Aqmescit sakinleri yol tehnikasını qayda ve ne vaqıt körecekleri bildirilmey. Amma Sergey Aksönov, 2020-2021 yıllarda norma alına ketirilgen yollarnıñ sayısı eñ azından 60% olmasını talap ete. "Aqımdaki yılda yollarnıñ sadece 15%-ı normativ alına ketirilecek, - anlattı Qırım başı. - Amma şimdilik artıq bütün obyektler paranen ve kerkli aletlernen temin etildi. Aqmescit sakinlerine soqaqlarnıñ pasportizatsiyası yapılğanmı, yapılmağanmı - farq yoq, olar yollarnıñ tamir etilmesini ve etrafları abadanlaşqanını körmege istey. Buña irişmek kerek".
"Krımskiye izvestiya" ("Qırım haberleri") gazetasında "Oquğan mektebiñ içün, tedaviylengen hastahaneñ içün ne yaptıñ?" adlı maqalede yarımdada vasiylik şuralarınıñ faaliyeti aqqında tarifleyler. Bu munasebet ile Qırım parlamentinde Rusiye nezaretindeki akimiyetniñ iştiragi ile toplaşuv keçti. "Vasiylik şurası - formal qurulış degil, - hatırlattı parlamet spikeri Vladimir Konstantinov. - O, beraberlikte yapılğan planlaştıruv, reberlik, leyhalarnı közde tuta. Olarnıñ ekseriyeti tasil saasında peyda oldı. Adamlar inançları ve yürek çağırışları ile mında kele, ösken evlerini desteklemek isteyler. Olar mektepke, ocalarğa muracaat ete. Bugün, vasiylik keñiş yayıldı demek mümkün, amma raatlanmaq daa erte. Şuralarnıñ işiniñ keyfiyetini, qurulışını ve sistemligini yahşılaştırmaq kerek. Amma şübesiz ki, cumhuriyet vasiylik ve metsenatlıq inkişafı saasında Rusiyeniñ başqa subyektleri içün nümüne olmaq mümkün". Qırım Devlet şurasınıñ reis müavini Vladimir Bobkov, Qırımda vasiylik ve metsenatlıq faaliyetiniñ ykünleri artıq dörtünci kere çıqarılğanını qayd etti. "Bu tedbirniñ teşebbüsçisi Vladimir Konstantinov oldı. Bugün biz - statusı, teşkilât printsipi, vasiylik şuralarınıñ salâhiyeti qanun ile reglamentlengen Rusiyeniñ yekâne subyektimiz. Cumhuriyette olar yaratılmağan bölge qalmadı, dep saymaq mümkün. Başlıqlarımız mekteplerge çoq diqqat ayıra", - dedi vitse-spiker.
"Krımskiy telegraf" ("Qırım telegrafı") gazetasında "Sıcaq mesele" maqalesinde yarımadanıñ iklimi aqqında yazalar. Matbuatqa köre, bir qaç kün evel yarımadanıñ haber menbaalarında, Qırım ava arareti normağa kelecegini beklemek kerekmey degen haber tarqalğan, yazğanlar ki, sıcaq yaz ve qış tesadüfen olmağan. "Menimce, avanıñ isinmesi tendentsiyası mıtlaq Qırımnı qaplar. Soñki yıllarda qayd etilgen qurğaqlıqlar ise kelecek yıllarda da tekrarlanacaq. Onıñ içün qurğaqlıqqa ve daa yüksek ava araretine evelden azırlanmaq kerek. Yazda ava 38-39 derecege qadar köterilecek. Böyle olmasınıñ ihtimalı pek büyüktir", - dedi, hususan, Qırım federal universitetiniñ dotsenti Vladimir Râbov.
"Bu beyanat ise, öz nevbetinen, başqa mütehassıslarğa global ava isinmesinen bağlı esnaslar aqqında laf yürsetmege sebep oldı. Sade adamlar ise, er vaqıt kibi, qasevetlenip başladı. Amma böyle vaziyet ilk sefer degil peyda ola", - yaza gazeta. Matbuat hatırlata ki, eñ alçaq ava arareti - sıfırdan aşağı 38,8 derece - 1940 yılda qışta qayd etildi. 1956 yılda ise Qırımda asıl qar olmadı, dağlarda bile, çünki dekabrden martqace sıcaq edi. 1924 yılda eñ uzun ve sıcaq yaz edi, eñ qısqa ve salqın soyu ise - 1956 yılda.
Maqalede ilhaq etilgen yarımadada qullanılğan ıstılaat işletil
