Aftanıñ başında Qırım gazetaları sanlarınıñ esas maqalelerini Keriç köprüniñ qurulışınıñ yekünlenmesine ve ondan demiryol areketiniñ açılmasına bağışladı. Tedbirde Rusiye prezidenti Vladimir Putin iştirak etti.
"Krımskaya pravda" ("Qırım aqiqatı") gazetasında "Vaqıt keldi. Keteyik!" serlevalı maqale çıqtı. Matbuat yaza ki, Rusiye prezidenti Vladimir Putin, Qırım tarafından Taman stantsiyasına barıp ve yolda qurucılarnen qonuşıp, köpürden demiryol areketini şahsen açtı. "Olar bütün işlerini bitirdi ve evlerine qaytmağa azırlana. Sefer vaqtında, poyezd meşrebelerinde çay içerek, Putin köpür qurucılarınen subetleşti ve gece oña eyecenlı Arkadiy Rotenberg telefon etkenini aytıp berdi. İş adamınıñ eyecanını añlamaq mümkün - bu onıñ adiseli tercimeialında eñ büyük leyhadır", - yaza gazeta. Tamanda Putin: "Bizim hoş ve müim adisemiz bar. O Qırım, Aqyar, Rusiyeniñ bütün cenübi ve aslında bütün memleketimiz içün müimdir, çünki, şübesiz, bu köpür kibi infratertip obyektleri bütün iqtisadiyatqa tesir etecek", - nutqunen işçiler ögünde çıqışta bulundı.
"Krımskaya gazeta" ("Qırım gazetası") cıltındaki maqaleniñ adını "Köpçeklerniñ sesi altında" qoydı. "Vladimir Putin Keriç boğazını poyezdnen keçkenlerniñ birincilerinden oldı. Seferniñ bir qısmını o maşinistniñ kabinasında keçirdi, başqasını ise - vagonda, köpürni qurğan işçilernen", - qayd ete matbuat. Jurnalist, Sankt-Peterburgdan Aqyarğa ketken birinci yolcu poyezdiniñ vagonında bir yolcu qadından intervyü aldı. Valentina Petrovna yarımadağa barmaq fırsatını çoq yıl beklegenini ayttı: "Yaltada soylarım yaşay. Biletlerni satın almaq mümkün olğanını bilip, birden vokzalğa bardım. Kupe pek qolaylı, vagon yañı, ötkericiler diqqatlı ve daima yardımnı teklif ete. Yañıkezinti içün daa ne kerek?"
"Krımskiye izvestiya" ("Qırım haberleri") "Dedi: "Yetişiñiz!" adlı maqaleni bastırdı. "Putin düdük sesini berdi ve bir vagon ile eki elektrik lokomotiv seferini başladı. Rostehnadzor Keriç köprüniñ demiryol qısmınıñ tehnologik azırlığını endi tasdıqladı, Rosavtodor qullanuv razılığını berdi, er seyni yüz kere teşkerdiler - bütünley azır. Bir yarım yıl evel prezidentimiz - yañı köpürde KamAZnen keçken birinci adam edi, şimdi ise o, mesüliyetli müessiselerniñ ve inşaat teşkilâtlarınıñ başlıqları ile avada uçqan demiryoldan Keriç boğazını keçti. Böylece, ne Rusiyede, ne de Avropada teñi olmağan qocaman infratertip leyhası muvafaqiyetnen yekünlendi", - yaza gazeta.
Maqalede ilhaq etilgen yarımadada qullanılğan ıstılaat işletile
