Link açıqlığı

Saatnıñ esas haberi

Qırım ve Aqyarda radioda tahliye ve telüke signalı tevsiyeleri aytıldı, Rusiye akimiyeti «bozıp açuv» aqqında bildirdi


Qırım ve Aqyarda radioda tahliye ve telüke signalı tevsiyeleri aytıldı, dep bildire Qırım.Aqiqat mühbiri.

Radioda telüke signalı ilân etilse, ne yapılacaq dep umumiy malümat berildi: sığınaqqa ketiñiz, kritik ve arbiy infrastruktura obyektlerinden uzaq oluñız, belli olmağan şeylerni kötermeñiz, «acele cemidannı» azırlañız.

Qırımnıñ Rusiye akimiyeti ve Rusiye tarafdarı olğan blogerler bunı «bozıp açuv» dep adlandırdı.

Qırım.Aqiqat mühbiriniñ malümatına köre, Aqyarda saba küçlü patlavlar eşitildi. Deñiz yolcu naqliyatı işini toqtattı. Rusiye Qara deñiz flotuna deñiz dronlarınen ücüm etildi, dep bildirdi Aqyarnıñ Rusiye yolbaşçısı Mihail Razvojayev.

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG