Qırımnı işğalden qurtaruv #LiberateCrimea halqara areketiniñ Qırım bölüginde Qırım.Aqiqatqa bildirdiler ki, böyle "yüksek mahsuldarlıq" bereketsiz yılda Herson vilâyetiniñ işğal etilgen territoriyasında toplanğan zahireni Qırımnıñ aşlıq anbarlarına ketirüv sayesinde elde etildi.
Faallerniñ malümatına köre, bu 2022 senesinden başlap qayd etile, o vaqıt qıtaiy Ukrayinanıñ işğal etilgen topraqlarından kelgen zahireni Qırım aşlığı olaraq köstermege başladılar, böylece onı ihracatçılarğa sata bileler.
"Bu sene Qırımda zahire içün yaramay şaraitler peyda oldı — qurğaqlıq ve anomal sıcaqlıq, şuña baqmadan, er şey 2021 senesi kibi yahşı olğanı aqqında bildirile. 2020 senesiniñ qurğaq yılı bile, bu seneden daa yahşı edi, amma o vaqıt tek bir million dane toplandı. Böyle bir şey olmaz. Cevap açıq-aydın Herson boğdayını Qırımnıñ aşlıq anbarlarına alıp keteler, anda o Qırım statistikasına kirsetile. Aynı zamanda Herson vilâyetiniñ işğal etilgen qısmında Rusiye akimiyeti tarafından azlaştırıla. Bu areketlerniñ manası şunda ki, Rusiye ihracatçıları bile qıtaiy Ukrayinanıñ işğal etilgen topraqlarından mahsulatnı istemeyip alalar, şunıñ içün onı Qırım mahsulatı olaraq köstereler", — dep qayd ettiler #LiberateCrimea Qırım bölüginde.
Qırımnıñ Rusiye ükümetiniñ köy hocalığı nazirliginiñ malümatına köre, 2024 senesi fevral ayından mayıs ayına qadar yağanaqlar ve topraqnıñ mahsuldarlıq nemsizligi sebebinden işğal etilgen Qırımnıñ 9 rayonında 7800 gektar köy hocalığı ekinleri qayddan silindi.
Rusiye akimiyeti, işğal etilgen topraqlardan ilhaq etilgen Qırım yarımadasına ukrayin aşamlığını alıp ketkenini açıq şekilde tasdıqladı. Qırımnıñ Rusiye yolbaşçısı Sergey Aksönov Rusiye ukrayin zahiresini satqanını tanıdı. Amma soñra Aksönov Qırım limanlarında çetelge ketirilmesi içün aşlıq yüklenilmey, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
