Link açıqlığı

Anna Şamanskaya

Praga – Ğarbiy memleketleri matbuat vastalarnıñ diqqatı yavaş-yavaş Ukrainanıñ şarqına celp etilip başlandı. Tek bazı neşirler Qırımnıñ kelecegini tahmin etmege qarar aldılar.

Financial Times Büyük Britaniyalı gazeta, qırımlı iş-adamlarınıñ belgisiz kelecegi aqqında yaza. Eki türlü para qullanğanı vaqıtta ve maliye qıtlığında muhasebecilik esapları, olarnıñ köterinki keyflerini boza «Qırımnıñ bank sisteması çalışmay qaldı, ukrain banklarnıñ bölükleri para yetişmemezligine esaslanıp qapalalar», – bildire gazeta. «Moskva olarnı rusiyeli müessiseler olaraq qayd etilmege mecbur ete» Bundan da ğayrı, Ukrainanen bağlı işhaneler em maliye, em yuridik cietinden ale daa añlaşılmağan bir vaziyette bulunalar: Kiyev para yollamay, Rusiye menbaalarından da aqça daa kelmey.

New Republic amerikanlı mecmua yarımadanıñ kelecegini menfiy sürette köre. «Qırım izolâtsiyada qalacaq», – qayd ete maqaleniñ müellifi. «Yerli sakinler Ukraina ya da Turkiye boyunca seferlerge çıqıp olamazlar ve çetelden musafirlerni de qabul etmezler». Mecmuada Türk Ava Yolları – naqliye şirketiniñ plakatı aqqında söz yürütile. Plakat Aqmescitteki avalimanına alıp ketken yol boyu asılı tura. Şirket aprel ayından başlap İstambulğa künde eki kere uçaq seferlerini teşkil etmege vade ete. «Yaqın kelecekte bu plakat, em de «Ukraina mustaqilligi künü» serlevalı plakat uzulir, ve bahtsız qalır. Rusiyeden ğayrı, iç bir yerge uçaqlar uçamaycaq», – yaza neşir. «Qırımdaki eglenceli tedbir şeñ keçti, amma ayınmağa küç olacaqtır. Rusiyeniñ eglenceleriniñ episi böyle yekünlene».

Huffington Post amerikanlı haberler merkezi, diqqatını ayırıca qadın-fermacılarğa ayırdı. Qabarcılıq ve siyasiy deñişmelerge baqmadan, olar çalışıp, qorantalarnı baqmağa devam eteler. «Vladimir Pütin geopolitik meselelerge diqqatnı celp etkence, ukrain fermacıları tarlalarda boğday saçmağa başladılar», – yaza neşir. «Ukrainliler qıtlıq olacağını bileler. Amma, Avropa Şurası, AQŞ ya da Halqara Valüta Fondu umumen cemaatçılıqnı ayaqta tutqan yardım kösterirler, onıñ içün fermacılar Rusiyege muracaat etip, daa elverişli añlaşmalar tizmege isterler».

Ukrainalı yazıcı Andriy Kurkov CNN amerikanlı saytı içün Qırımnıñ kelecegi aqqında şöyle yazdı: «Rusiyeniñ bütün grajdanları qırımlı musafirhane, kurortlarına yardım etecek olsalar da, end iqurlğan Soçige Kim baracaq, aceba?» – dep yazdı o. «Ne ise, Qırım yazı üç ay devam ete. Soñra ne? Qırım şarap yapıp, meyvalarnı östüre. Olar onı tek Rusiyege sata bileler, amma Rusiyeniñ özünde şarapnen meyva çoq». Kurkovnıñ fikirince, Pütiniñ başqa çaresi yoq, o, fermacı ve şarap istisalcılarına para berip, azca asrap, azca şarap yapmağa mecbur etecek. «Bu kibi "qazanç» Rusiyeniñ büceti içün havflıdır», – dey Kurkov. «Referendumdan evel, qırımlı nefaqacılarnıñ parasını dört qat arttırmaq vadesi yerine, nefaqalarnı tek 2016 senesi yanvar ayından baqılacağını bildirdiler».
XS
SM
MD
LG