Şimaliy Qırım kanalı ile Qırımğa suv berilmesi ya da berilmemesi meselesiniñ siyasiy, uquqiy ve etik tarafını kenarda qaldırsaq,kanalnıñ özü Dnipro suvunıñ almasına azırmı, dep baqacaq oldım.
Canköyden 15 kilometr uzaqlıqta yerleşken kanal qısmına, Canköy-Kefe yolunıñ Novaya Jizn köyüne burulışında bardım.
Qırımnıñ Rusiye akimiyeti tarafından yarımadanıñ merkeziy ve dağ taraflarındaki yapma göllerden suvnıñ ketirmesi içün qullanılğan kanal qısımları bar olğanı içün, o yerlerniñ alı bir coruq olsa, şimaliy qısmı bir qac yıl devamında suv körmegeni içün bozudlı.
Bu pek yahşı körüne: kanalğa Dnipro suvu berilse, o topraqqa ketecek ve Qırım sakinemi olsun, Rusiye arbiy bazasınamı - ep bir barıp çıqamaz.
Kanalnıñ büyük qısmında demir beton plitalarnı endi çıqarıp taşladılar. Olar bar olğan yerde ise kanal yatağınıñ bozulğanı körüne.
"Qırım Dnipro suvunıñ almasına azırmı" sualine, mence, cevap böyle: azır da degil em de almaycaq
Ukrain saytlarda Qırımğa suv bermek ğayesi aqqında oquğanda, bunıñ mantıqasız olğanını añlayım. Qırım akimiyeti iç olmadan bir kere Ukrainadan suv soradımı? Yoq. Olar altı yıl devamında yarımada Dnipro suvusız da işini becergenini aytıp yüre.
Aysa Şimaliy Qırım kanalınıñ açılması aqqında laflar qaydan çıqa?
Belki, Putin Ukrainadan Qırımğa suv bermesini istedi? O da yoq. Eñ azından, rus ve ukrain matbuatında böyle haber körmedim.
Bundan da çoq aytayım: Qırım ve Rusiye akimiyeti Ukrainadan suv soramağanından ğayrı, qırımlılarnıñ özleri de onı soramay. Rusiye tarafdarları olğan Qırım sakinleri içün öyle de "er şey yahşı", Ukraina tarafdarı olğan halq ise, Qırımda suv birinciden rusiye ordusına kerek olğanını añlay.
Onıñ içün, "Qırım Dnipro suvunıñ almasına azırmı" sualine, mence, cevap böyle: azır da degil em de almaycaq. Ne tehnikiy, ne siyasiy taraftan. Ancaq Ukraina siyasetcilerge bu sualniñ köterilmesi ne kerek - buña maña cevap bermege qıyın.
Vasıl Korçev, keriçli Qırım blogeri
«Bloglar» rubrikasında bildirilgen fikir-tüşünceler müelliflerniñ noqtaiy-nazarını bildirip, muarririyetniñ baqışları ile aynı olmaması mümkün
