Link açıqlığı

Saatnıñ esas haberi

«Qırım birdemligi»niñ iştirakçisi: Nariman Memedeminovnıñ tevqifi – Qırımda başqa fikirde olğanlarğa qarşı küreşniñ numünesidir


Seytumer Seytumerov
Seytumer Seytumerov

Qırımtatar faaliyetçisi, vatandaş jurnalisti Nariman Memedeminovnıñ tevqifi, Rusiye telükesizlik hadimleriniñ yarımadada başqa fikirde olğanlarğa qarşı küreşniñ numünesidir. Bunı Qırım.Aqiqat Radiosı efirinde ATR telekanalınıñ alıp barıcısı, «Qırım birdemligi» birleşmesiniñ iştirakçisi Seytumer Seytumerov söyledi.

Seytumer Seytumerov: «Nariman – «Qırım birdemligi»niñ faaliyetçisi. O, faal bloger edi, mahkemelerden strimler yapa edi. Onıñ evi birinci kere 2016 senesinde tintildi. Bu, «qarmaqqa tüşkeniniñ» signalı edi. Lâkin o, onıñ yerine bunı başqası yapmaycağını añlay edi. Kerçekten de, Qırımda olğan şeyler aqqında haber etilmesiniñ probleması bar. Nariman, büyük ihtimal ile yaqalanıp alıp ketilecegini yahşı añlay edi, lâkin öz faaliyetiniñ emiyetini añlap, onı taşlamadı. Narimannıñ tevqif etilmesi – vatandaş jurnalistikasına tazyiq, Rusiye telükesizlik hadimleriniñ yarmadada başqa fikirde olğanlarğa qarşı küreş», – dedi.

​ATR telekanalınıñ alıp barıcısı, qırımtatar faaliyetçisi, «Qırım birdemligi» birleşmesiniñ iştirakçisi Seytumer Seytumerov ile intervyüni Qırım.Aqiqat saytında yaqın künlerde oquñız.

Mart 22-de Rusiye telükesizlik ve uquqqoruyıcı organlarnıñ hadimleri Bağçasaray rayonında Nariman Memedeminovnıñ evini tinttiler. Bundan soñ faaliyetçini Aqmescitteki Rusiye FSBsi idaresine sorğuğa alıp kettiler. Mart 23-te mahkeme Memedeminovnı mayıs 16-ğa qadar tevqif etti .

Mart 23-te QMC prokuraturası, Ukraina Cinaiy kodeksindeki 146-ncı maddeniñ 2-nci qısmı (insannı qanunsız olaraq azatlıqtan marum etüv ya da alıp qaçuv) ve 162-nci maddeniñ 2-nci qısmında (mesken toqunılmazlığınıñ bozuluvı) qayd etilgen cinaiy qanun buzuluvlarınıñ alâmetleri boyunca malümatnı Mahkemeden eveldki tahqiqatlarnıñ umumiy cedveline kirsetti.

Ukraina TİNi vatandaş faaliyetçisiniñ yaqalanğanını taqbih ete ve ilhaq etilgen Qırımdaki Rusiye ukümetinden Nariman Memedeminovnıñ azat etilemsini talap ete.

XS
SM
MD
LG