Link açıqlığı

Saatnıñ esas haberi

AQŞ ve Avropa Birligi Qırımda S-400-lerniñ yerleştirilmesine qarşılıq köstermek kerekler – Yuqarı Radanıñ deputatı


Ukraina halq deputatı, Ukraina Yuqarı Radasınıñ Çetel işleri boyunca komitetniñ reisi Hanna Hopko
Ukraina halq deputatı, Ukraina Yuqarı Radasınıñ Çetel işleri boyunca komitetniñ reisi Hanna Hopko

Rusieyniñ ilhaq etilgen Qırımda S-400 uçaqlarğa qarşı raketa kompleksini yerleştirmek niyeti bütün Avropa içün telüke doğura. Bu sebeptne AQŞ ve Avropa Birliginiñ devletleri bu telükege qarşılıq köstermek kerekler. Bunı yanvarniñ 10-nda «112 Ukraina» telekanalınıñ efirinde Ukraina Yuqarı Radasınıñ Çetel işleri boyunca komitetniñ reisi Hanna Hopko söyledi.

Gopko: «Asılında Rusiyeniñ Qırımnı istilâ ve işğal etkeninden berli onı arbiyleştirmek, anda nükleer silânı yerleştirmek istegeni ve aqiqatta yalıñız Qara deñiz bölgesindeki ve qomşu devletler içün telüke yaratmağanı – bu, dünya mıqyasındaki bir meseledir. Bu sebepten, şimdi biz eşitken beyanatlarğa köre, fikrimce, bu yerde transatlantik ğayretler kösterilmek kerek, çünki Ukraina öz başına (Rusiyeniñ – QA) bütün niyetlerine ve planlarına qarşı muqavemet kösteremez», – dedi.

Daa evel Kremlniñ temsilcisi Dmitriy Peskov, Rusiye yarımadada S-400 komplekslerini yerleştirerek Qırımda telükesizlikni temin etmek içün çareler köre, dep beyan etti.

2017 senesiniñ dekabrinde, ilhaq etilgen Qırımda 2018 senesiniñ ilk künlerinden itibaren eki S-400 «Triumf» uçaqlarğa qarşı raketa sistemi divizionınıñ arbiy nevbetke turacağı belli oldı.

XS
SM
MD
LG