Link açıqlığı

Peskov Qırımda S-400-lerniñ yerleştirilmesi aqqında: Rusiye yarımadanı diversiyalardan qorçalay


Qırımda S-400 uçaqlarğa qarşı raketa sistemaları, 2017 senesinıñ yanvar ayı

Rusiye prezidenti Vladimir Putinniñ matbuat kâtibi Dmitriy Peskov, «Rusiye-Ukraina sıñırındaki» provakatsiyalar «devam ete», ve bu sebepten Rusiye ilhaq etilgen yarımadada telükesizlikni temin etmek içün çareler köre, dep iddia ete. Kremlniñ temsilcisi Qırımda S-400 uçaqlarğa qarşı raketa sistemleriniñ yerleştirilmesini bu şekilde izaladı.

Peskov: «Qırım etrafındaki Rusiye-Ukraina sıñırında provakatsion ve diversiyon faaliyetlerniñ devam etkenini bilemiz… Bu sebepten, iç şübhesiz, Rusiye tarafından özüniñ telükesizligini temin etmek içün çarelerniñ körülmesi bir kimseni qorquzuv olaraq degil de, yalıñız özüniñ telükesizligini temin etüv olaraq qabul etilmeli, çünki Rusiye tarafında buña, tabiiy olaraq, tam bir mustaqil aqqı bar», – dedi.

Ukraina tarafından şimdilik bu beyanat boyunca açıq menbalarda izaat berilmedi.

2017 senesiniñ dekabrinde, ilhaq etilgen Qırımda 2018 senesiniñ ilk künlerinden itibaren eki S-400 «Triumf» uçaqlarğa qarşı raketa sistemi divizionınıñ arbiy nevbetke turacağı belli oldı.

Ukrainanıñ arbiy eksperti Serhiy Zgurets, ilhaq etilgen Qırımda yerleştirilgen S-400 «Triumf» kompleksi Ukraina ve onıñ qomşuları içün telüke doğura, dep saya.

XS
SM
MD
LG