Kezlev yalısı yanında batıp boğulğan qadınnı taptılar. Bunı Rusiye FVN-niñ Qırım idaresiniñ matbuat hızmeti bildire.
"Kezlev şeerinde, Simferopolskaya soqağında, "Solâris" plâjında qurtarıcılar yalıdan üç metr uzaqlıqta olğan essiz qadınnın deñiz suvundan çıqardı. Acele yardım hadimleri ölümni qayd etti", - denile beyanatta.
Qırım qurtarıcılarınıñ malümatına köre, yılnıñ başından berli umumen 15 suv qazası oldı, 13 adam elâk oldı, 2 adam qurtarıldı.
İyün 29-ında Yedi quyu (Leninskiy) rayonınıñ Aq Manay (Kamenskoye) köyünde aqıntı bir balanı deñizge alıp ketti.
İyün 26-sında 11 yaşındaki qızçıq yedi yaşındaki qardaşınen azbarğa çıqtı ve analarından razılıq soramayıp, dostlarınen Gorkiy adını taşığan plâjğa ketti. Yaldağanda yedi yaşındaki bala yalı yanında boğulıp battı.
Yaltanıñ yanındaki Mağaraç qasabasında iyün 21-inde aqşam bir aqay battı.
