Tahqiqatçılar tünevin Kezlevde yedi yaşındaki qızçıqnıñ deñizde batqanından sebep teşkerüvni ötkere, bildire "Krıminform" matbuatı.
"İyün 26-sında 11 yaşındaki qızçıq yedi yaşındaki qardaşınen azbarğa çıqtı ve analarından razılıq soramayıp, dostlarınen Gorkiy adını taşığan plâjğa ketti. Yaldağanda yedi yaşındaki bala yalı yanında boğulıp battı", - yaza matbuat.
Qaza yerinde Kezlev tahqiqat bölüginiñ hadimleri çalıştı, bütün kerekli areketler yapıldı. Teşkerüvniñ neticesinde qanun qararı alınacaq.
Yaltanıñ yanındaki Mağaraç qasabasında iyün 21-inde aqşam bir aqay battı.
Saq yanındaki Novofödorovka qasabasında iyün 17-sinde kündüz deñizde bir aqay battı. Onıñ çarşaf ile qapalı cesedi bir saattan ziyade yalıda yattı.
