Yaltanıñ yanındaki Mağaraç qasabasında iyün 21-inde aqşam bir aqay battı. Bunı Rusiye FVN-niñ Qırım idaresi haber etti.
Müessiseniñ malümatına köre, qaza "Sankt-Peterburg" plâjında oldı.
"Qurtarıcı hızmetke, aqay yuvanmağa ketip, qaytmağanı aqqında bildirme keldi. Qıdıruv ve qurtaruv işlerniñ neticesinde dalıcılar aqaynıñ cesedini deñiz tübünde taptı. Qalğan areketleri İİN-niñ hadimleri yaptı", - denile beyanatta.
Başqa tafsilât haber etilmedi.
Saq yanındaki Novofödorovka qasabasında iyün 17-sinde kündüz deñizde bir aqay battı. Onıñ çarşaf ile qapalı cesedi bir saattan ziyade yalıda yattı.
