Link açıqlığı

Saatnıñ esas haberi

Keriçte Roslâkovğa silâ satın aluv razılığını bergen tibbiyet müessiselerini teşkereler - memurlar


Kütleviy öldürüv olıp keçken köllec binası yanında. 2018 senesi oktâbr 10
Kütleviy öldürüv olıp keçken köllec binası yanında. 2018 senesi oktâbr 10

Qırımnıñ rusiye akimiyeti, Keriçte kütleviy öldürüvde şeklengen Vladislav Roslâkovğa silâ satın almaq içün tibbiy malümatname bergen tibbiyet müessiselerini teşkermege niyetlengeni aqqında bildirdi. Bu aqta Rusiye nezareti altındaki Qırım Sağlıq saqlav Nazirliginiñ baş muavini Nikolay Derkaç haber etmekte.

Onıñ aytqanına köre, yaza TASS, tibbiyet müessiselerniñ teşkerüvi endi qısmen başlandı.

“Anda bir qaç malümatname berile, psihiatr sertifikatı, narkolog sertifikatı bar. Psihiatr, narkolog - bu Keriçniñ psihonevrologik dispanserinde, umumiy malümatname - Keriç poliklinikasında. Anda eki malümatname ve silâ aluv malümatnameniñ özü”, - dep memurnıñ sözlerinden yaza haberciler.

Daa evel Keriç psihonevrologik dispanserinde, Vladislav Roslâkov olarnıñ müessisesinde tibbiy baqıluvdan keçkenini tasdıqladı.

Patlav ve atışuv çarşenbe künü, oktâbrniñ 17-nde, Keriç politehnik kollecinde oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Şeerniñ Rusiye akimiyeti, facia neticesinde 21 insan elâk oldı, dep bildirdi.

Keriçteki patlavdan soñ Qırımnıñ Rusiye yolbaşçısı Sergey Aksönov Qırımda üç künlik matem ilân etken edi.

«Я до сих пор в это не верю». Очевидцы керченской трагедии (видео)
Bekleñiz, lütfen

No media source currently available

0:00 0:01:17 0:00

Keriç ve Aqmescit tibbiy müessiselerinde Keriç politehnik köllecinde olğan patlavda yaralanğan 25 insan tedavi köre. Daa 25 insan Qırımnıñ hastahanelerinden Krasnodar ülkesi ve Moskva tibbiy müessiselerine alındı.

Oktâbrniñ 19-nda elâk olğanlar Keriçte ve Yedi Quyu rayonında defin etildi. Keriçteki politehnik köllecinde kütleviy öldürüv qurbanlarınen vedalaşmaq içün biñlernen insan keldi.

Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.

XS
SM
MD
LG