Keriç politehnik köllecinde çarşenbe künü patlav oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Rusiye Tahqiqat komitetiniñ malümatına köre, Roslâkov köllecge patlav ögüne keldi. Qolunda tüfek bar edi. Rusiyeniñ terrorizmge qarşı milliy komiteti, kollecde bomba patlağanını bildire. Onıñ malümatına köre, 18 insan elâk oldı, daa 50 kişi yaralandı. Facia sebebinden Keriçte üç künlik matem ilân etildi. Qırım.Aqiqat adise yerinden fotolarnı topladı. (Kerch.FM, TASS fotoresimleri qullanılğan)
Telâş ve qorqu. Keriçteki patlav tafsilâtları (fotoresimler)
1
Patlav o qadar küçlü edi ki, pencere ve qapular sındı
2
Patlavdan soñ köllecge «ilk yardım» maşinaları, qurtarıcılarnıñ maşinaları ve avtomatlı Rusiye uquq qoruyıcıları kelmege başladı. Rayonnı politsiya sarıp aldı
3
Rusiye uquq qoruyıcı organlarınıñ hadimleri Keriç politehnik kolleciniñ binası yanında
4
5
Kollec yanında onlarnen insan toplaştı. Ekimler yaralanğanlarnı tahliye ete
6
Rusiye Tahqiqat komitetiniñ malümatına köre, eñ azından 17 insan elâk oldı, 50 kişi yaralandı
7
8
Rusiye terrorizmge qarşı milliy komiteti bildire ki, kollecde bomba patlatıldı
9
Rusiye Tahqiqat komitetiniñ malümatına köre, patlavnı bu kollecniñ 4-ünci kursında oquğan student kerçekleştirdi. Kreml kontrolindeki Qırım yolbaşçısı Sergey Aksenov bildirdi ki, terakt kerçekleştirilmesinde şeklengen insan özüni öldürdi
10
11
Keriç politehnik kolleciniñ binasından «ilk yardım» maşinaları kete
12
Qurtarıcılar kollecdeki patlav qurbanını ketire
13
Uquq qoruyıcı organlarınıñ hadimleri facia yerinde
Facebook Forum