Sentâbrniñ 10-nda Kreml nezareti altındaki Aqmescit Yuqarı mahkemesi, advokat Olga Dinzeniñ istinaf şikâyetini qanaatlendirmedi. Bu şikâyet, Volodımır Baluhnıñ birinci mahkeme ükmü boyunca müddetinden evel şartlı azat etilüv şefaatınıñ red etüvinen bağlı edi.
Qırım.Aqiqat bildirgenine köre, Bauhnıñ özü mahkeme oturışına video bağından qoşulğan edi.
Aqmescitniñ Jeleznodorojnıy rayonınıñ rusiye mahkemesi, advokat Olga Dinzeniñ Volodımır Baluhnıñ birinci mahkeme ükmü boyunca müddetinden evel şartlı azat etilüv şefaatını red etti.
Mahkeme oturışınıñ başında prokuror Denis Mışkin, müddetinden evel şartlı azat etilüv şefaatınıñ baqılmasını toqtaqmaq muracaatınen mahkemege hitap etti. Areketlerini, endi yañı mahkeme ükmü çıqarıldı dep izaatladı. Mahkemeci Dmitriy Mihaylov prokurornıñ muracaatını qanaatlendirdi.
Baluh 2018 senesi martnıñ 19-ına başlağan müddetsiz açlıqnı devam etmekte. İyülniñ 5-inde Kremlniñ nezareti altında olğan Aqşeyh (Razdolnoye) rayon mahkemesi ukrain faaliyetçisi Volodımır Baluhnı 5 yılğa umumiy rejimli koloniyağave 10 biñ ruble (qararnen 4 biñ hrivna) cöremege mahküm etti.
Baluh soñ sözünde cinayet işiniñ siyasiy sebebi olğanını qayd etti.
Baluh 2018 senesi martnıñ 19-ına başlağan açlıqnı devam etmekte.
Mabüsnıñ bir ay iç aş aşamağanından soñ, Qırım arhiyepiskopı Kliment, onı iç olmadan 2 stakan cılap kiseli, 50-70 gramm qara ötmek peksimeti ve ballı çaynı içmege qandırdı, böylece onıñ ölmemege küçü yetmeli.
Rusiye FSBsi Volodımır Baluhnı 2016 senesi dekabr 8-de yaqaladı. FSB hadimleri Volodımır Baluh yaşağan evniñ tavanında 90 patron ile bir qaç trotil şaşkasını taptılar, dep iddia ete ediler. Qırımda mahkeme Baluhnı, arbiy yedekler saqlağanında qabaatlı tanıp, 3 yıl ve 5 ayğa koloniya-qasabada azatlıqtan marum etilmesi ve, ondan ğayrı, 10 000 ruble (qararnen 4600 hrivna) miqdarında cöreme tölemesine dair üküm çıqardı.
Baluhnıñ imayecisi ve uquqqorucılar, onıñ Ukraina vatanperver olğanı sebebinden, yani eviniñ azbarında Ukraina bayrağı olğanı içün, repressiyalar qurbanı olğanını iddia eteler
Ukraina Tış işler Nazirligi (TİN), Rusiyede ve işgal etilgen Qırımda tutılğan Ukraina siyasiy mabüsleri - Oleg Sentsov ve Volodımır Baluhnıñ deral azat etmesini Kremlden talap etti.
