Link açıqlığı

Saatnıñ esas haberi

New Yorkta Trump ve Zelenskıynıñ körüşüvi keçe


Ukraina prezidenti Volodımır Zelenskıy ve AQŞ prezidenti Donald Tramp
Ukraina prezidenti Volodımır Zelenskıy ve AQŞ prezidenti Donald Tramp

New Yorkta Ukraina prezidenti Volodımır Zelenskıy ve AQŞ prezidenti Donald Trumpnıñ körüşüvi keçe. Bu, eki devlet başınıñ birinci resmiy körüşüvi, dep bildire Radio Svoboda.

Körüşüvden evel Ukraina prezidenti, qabarcılıqnen küreş, Ukraina topraq bütünliginiñ qaytarılması ve ülke şarqında cenk toqtatılması, onıñ prioritetleri olğanını ayttı.

Tramp ise, Rusiye Qırımnı Barak Obama prezidentligi vaqtında zapt etkenini hatırlattı. AQŞ prezidenti, Zelenskıynıñ Ukrainada qabarcılıqnı yeñmek ıntıluvına büyük qıymet berdi.

Zelenskıy, Amerika siyasetine kirişmemege istegenini ayrıca qayd etti. Ukraina lideriniñ aytqanına köre, Kyivniñ, AQŞ-nıñ içki siyasetine kirişmege niyeti yoq.

Ukraina prezidenti Volodımır Zelenskıy, New Yorkta Birleşken Milletler Teşkilâtınıñ Baş Assambleyasınıñ sessiyasında umumiy muzakerelerde çıqışta bulunğanda, onıñ "esas maqsadı - bütün işğal etilgen topraqlarnıñ qaytarması", dep ayttı.

Ziyaret vaqtında Volodımır Zelenskıy turğun inkişaf boyunca sammitte iştirak etip, bir sıra eki taraflı körüşüvler keçirecek, şu cümleden Amerika prezidenti Donald Trumpnen de.

Beyaz Ev, Trump ve Zelenskıynen birinci körüşüvi sentâbr 25-inde olacağını bildirdi.

Bundan ğayrı, ziyaret vaqtında, Ukraina prezidenti, AQŞ ukrain cemiyetiniñ liderlerinen, AQŞ eudi teşkilâtlarınıñ reberlerinen ve Amerika iş adamlarınıñ vekillerinen körüşecek, dep bildirdiler Prezident Ofisinde.

XS
SM
MD
LG